Gujarati News

મુંબઇ,તા. ૭ : બોલિવૂડ ફિલ્મ 'રોકસ્ટાર'થી એકિટંગમાં ડેબ્યુ કરનાર એકટ્રેસ નરગિસ ફખરી લાંબા સમયથી ફિલ્મોની દુનિયામાંથી ગાયબ છે. એક ન્યૂઝ પોર્ટલ સાથેની વાતચીતમાં નરગિસ ફખરીએ જણાવ્યું કે તેને પ્રખ્યાત થવાની ભૂખ નથી. તે કામ માટે કેટલીક વસ્તુઓ કરી શકે તેમ નથી જેમ કે નગ્ન પોઝ આપવો અથવા તો પછી ડિરેકટર સાથે સૂઈ જઉં. મેં દ્યણું કામ ગુમાવ્યું છે કારણકે કેટલીક એવી વસ્તુઓ હતી કે જેના માટે મેં ના પડી હતી.

નરગિસ ફખરીએ કહ્યું કે તેના માટે નૈતિકતા અને મૂલ્યોથી વધારે કશું નથી. હું મારા પ્રત્યે ઈમાનદાર છું. હું બોલિવૂડમાં આવી કારણકે કોઈ સેકસ સીન્સ નહોતા. મોડલિંગમાં તેને ઘણીવખત ટોપલેસ શોટ્સ અથવા એડમાં સુપર નેકેડ થવા માટે જણાવાતું હતું. મોડલિંગના દિવસોમાં એક એડલ્ટ મેગેઝિનની કોલેજ એડિશન હતી. તેના એજન્ટે જણાવ્યું હતું કે છોકરીઓની જરૂર છે અને શું તે આવું કશું કરવા માગશે? મેગેઝિન મોટું હતું અને પૈસા પણ વધારે મળી રહ્યા હતા તેમ છતાં મેં ના પાડી દીધી.

હાલમાં જ એવા ન્યૂઝ આવ્યા હતા કે નરગિસ ફખરી ઈટાલીમાં બોયફ્રેન્ડ સાથે વેકેશન માણી રહી છે. એકટ્રેસ નરગિસ ફખરી અને તેનો બોયફ્રેન્ડ Justin Santos હાલમાં જ ઈટાલી ટ્રિપ પર ગયા હતા. ત્યાં નરગિસ ફખરીએ ખૂબ એન્જોય કર્યું હતું. નરગિસ ફખરીએ પોતાના અને બોયફ્રેન્ડ સાથેના કેટલાંક ફોટોગ્રાફ્સ શેર કર્યા હતા. નરગિસ ફખરીએ તેના ઈન્સ્ટાગ્રામ પર કેટલાંક ફોટોગ્રાફ્સ શેર કર્યા હતા. જેમાં તે બોયફ્રેન્ડની સાથે કેપ્રી આઈલેન્ડ પર જોવા મળી હતી. નરગિસ ફખરીએ આ સાથે કેપ્શન લખી હતી કે 'ભોજન મારી પસંદગીની ભાષા છે. મારું ડીએનએ કહે છે કે હું ૩.૫ ટકા ઈટાલિયન છું.' નરગિસ ફખરીની જાણીતી બોલિવૂડ ફિલ્મોમાં 'રોકસ્ટાર', 'મદ્રાસ કાફે', 'મેં તેરા હીરો', 'હાઉસફૂલ ૩', 'બાંજો', 'તોડબાઝ' વગેરેનો સમાવેશ થાય છે.