Gujarati News

Gujarati News

News of Sunday, 7th March 2021

પ્રિયંકા ગાંધીને કન્યાકુમારીથી ઉમેદવાર બનાવો : કાર્તિ ચિદમ્બરમની કોંગ્રેસ હાઈકમાનને અપીલ

કન્યાકુમારી લોકસભા બેઠક પર 6 એપ્રિલના પેટાચૂંટણી યોજાશે

નવી દિલ્હી : કોંગ્રેસ સાંસદ અને પૂર્વ નાણામંત્રી પી.ચિદમ્બરમના પુત્ર કાર્તિ ચિદમ્બરમે કોંગ્રેસ હાઈકમાનને અપીલ કરી છે કે, કોંગ્રેસ જનરલ સેક્રેટરી પ્રિયંકા ગાંધીને કન્યાકુમારી લોકસભા બેઠક પરથી ઉમેદવાર જાહેર કરવા જોઈએ. આ માટે કાર્તિએ રાજ્યની ચૂંટણી કમિટીને આવેદન પણ આપ્યું છે. ઉલ્લેખની છે કે, કન્યાકુમારી લોકસભા બેઠક પર 6 એપ્રિલના પેટાચૂંટણી યોજાશે. આ દિવસે વિધાનસભા ચૂંટણી માટે પણ મતદાન થશે

શિવગંગાથી સાંસદ કાર્તિએ આ અગાઉ પણ પ્રિયંકાને ઉમેદવાર જાહેર કરવાની માંગ કરી હતી. ગત વર્ષે કાર્તિએ પ્રિયંકાને તામિલનાડુથી લોકસભા ઉમેદવાર જાહેર કરવાની વાત કરી હતી. કાર્તિનું નિવેદન એવા સમયે આવ્યું છે, જ્યારે કેરળમાં વિધાનસભા ચૂંટણીની તૈયારીઓ કોંગ્રેસ કરી રહી છે. કોંગ્રેસ તરફથી પ્રિયંકા ગાંધી પણ અહીં ચૂંટણી પ્રચારમાં લાગેલી છે. પ્રિયંકા તાજેતરમાં ચૂંટણીને ધ્યાને રાખી આસામના પ્રવાસે હતી અને રાહુલ ગાંધી પુડુચેરી, કેરળ અને તામિલનાડુના પ્રવાસે હતા.

(10:53 am IST)