Gujarati News

Gujarati News

News of Saturday, 6th March 2021

૪૦ રૂપિયાની લોટરીમાં મજૂર ૮૦ લાખ જીત્યો

મજૂર પ. બંગાળથી મજૂરી કામ માટે કેરળ આવ્યો હતો : મજૂરે પોલીસની મદદથી બેન્કમાં એકાઉન્ટ ખોલાવી ઈનામની રકમ મેળવી : કુટુંબ માટે ઘર બનાવવાની ઈચ્છા

થિરુવનંતપુરમ, તા. : કેરળમાં એક મજૂરને લૉટરી લાગતા તેનું નસીબ બદલાઈ ગયું છે. કેરળની કારુણ્ય પ્લસ લોટરીમાં પશ્ચિમ બંગાળથી કેરળ આવેલા મજૂરે બાજી મારી છે. મજૂરનું નામ પ્રતિભા મંડલ છે અને તેણે રૂપિયા ૮૦ લાખનું પ્રથમ ઈનામ જીત્યું છે.

મજૂર પશ્ચિમ બંગાળથી કામની શોધમાં કેરળ પહોંચ્યો હતો કે જ્યાં તે કંસ્ટ્રક્શનનું કામ કરતો હતો.

તેણે રૂપિયા ૪૦ની લૉટરી ટિકિટ ખરીદી હતી અને હવે તે વિજેતા જાહેર થયો છે. અચાનક આટલી મોટી રકમ મળતા મજૂર ખુશ થવાની સાથે-સાથે સહેજ ગભરાઈ પણ ગયો હતો. કારણકે મજૂરને સમજાઈ નહોતું રહ્યું કે આટલા બધા રૂપિયાનું તે શું કરશે કારણકે તેની પાસે કોઈ બેંક અકાઉન્ટ પણ નહોતું.

લોટરીનું ઈનામ જીતનાર મજૂર સીધો પોલીસ સ્ટેશન પહોંચ્યો અને પોલીસ પાસે પોતાની સુરક્ષાની માગ કરી. ત્યારબાદ પોલીસે બેંકના કર્મચારીઓને પોલીસ સ્ટેશન બોલાવ્યા અને મજૂરનું બેંક અકાઉન્ટ ખોલાવી આપ્યું. અને લોટરીની ટિકિટને બેંકના લોકરમાં મૂકાવી દીધી.

લોટરી જીત્યા બાદ પોલીસ તેને બેંક લઈ ગઈ અને પછી ઘરે મૂકી આવી. અહીં નોંધનીય છે કે કારુણ્ય પ્લસ લોટરીમાં પ્રથમ વિજેતાને ૮૦ લાખ રૂપિયા આપવામાં આવે છે. બીજા નંબરના વિજેતાને રૂપિયા ૧૦ લાખ આપવામાં આવે છે. મજૂરે તેની ટિકિટ પર રૂપિયા ૮૦ લાખનું પ્રથમ ઈનામ જીત્યું છે.

જ્યારે મજૂરને તેના ભવિષ્યના પ્લાન વિશે પૂછવામાં આવ્યું ત્યારે તેણે કહ્યું કે તે એક નવું ઘર બનાવવા માગે છે અને દીકરાને સારું ભવિષ્ય પૂરું પાડવા માગે છે. મજૂરની પત્ની તેને વર્ષ પહેલા છોડીને જતી રહી હતી.

(7:42 pm IST)
  • 2001 ના રોજ યુએપીએ હેઠળ પ્રતિબંધિત આઉટફિટ સિમીના સભ્ય હોવાના આરોપસર સુરતમાં ધરપકડ કરાયેલા 122 લોકોને ગુજરાત કોર્ટે નિર્દોષ જાહેર કર્યા : કોર્ટનું કહેવું છે કે પ્રોસેક્યુશન 'આકસ્મિક, વિશ્વાસપાત્ર અને સંતોષકારક' પુરાવા રજૂ કરવામાં નિષ્ફળ ગયું છે. access_time 6:04 pm IST

  • દિલ્હીનું પોતાનું હશે સ્વતંત્ર શિક્ષણ બોર્ડ : કેબીનેટે લીલીઝંડી આપી : દિલ્હીના મુખ્યમંત્રી અરવિંદ કેજરીવાલે મોટી જાહેરાત કરતાં જણાવ્યુ કે હવેથી દિલ્હીનું પોતાનું અલગથી શિક્ષણ બોર્ડ હશે : કેબીનેટે આ નિર્ણયને લીલીઝંડી પણ આપી દીધી છે : અત્યાર સુધી રાજયમાં માત્ર સીબીએસઈ અને આઈસીએસસી બોર્ડનું શિક્ષણ હતુ, પરંતુ હવેથી વિદ્યાર્થીઓ દિલ્હી બોર્ડની સંલગ્ન શાળાઓમાં દિલ્હી બોર્ડના નેજા હેઠળ અભ્યાસક્રમમાં ભણી શકશે : દિલ્હી બોર્ડનો અભ્યાસ ૨૦૨૧-૨૨ સત્રથી શરૂ થશે access_time 3:27 pm IST

  • ૧૧ થી ૧૫ માર્ચ ગાંધીનગરમાં ભાજપની પાર્લામેન્ટરી બોર્ડની બેઠક : ગુજરાત ભાજપની પાર્લામેન્ટરી બોર્ડની બેઠક ૧૧ થી ૧૫ માર્ચ સુધી ગાંધીનગર ખાતે મળશે તેમ જાણવા મળે છે access_time 3:29 pm IST