Gujarati News

Gujarati News

News of Monday, 5th December 2022

સેન્સેક્સમાં ૩૪ પોઈન્ટનો ઘટાડો, નિફ્ટી ૧૮,૭૦૦ પર ટકી રહ્યો

આઠ દિવસના લાભ પછી બજારમાં બીજા દિવસે ઘટાડો : સેન્સેક્સ પેકમાં રિલાયન્સ ઇન્ડસ્ટ્રીઝ, ટેક મહિન્દ્રા, અલ્ટ્રાટેક સિમેન્ટ, ડૉ. રેડ્ડીઝ ઘટનારા શેરમાં મુખ્ય હતા

મુંબઈ, તા.૫ : બીએસઈ સેન્સેક્સ સોમવારે સપાટ નોંધ પર બંધ થયો, આઠ દિવસના લાભ પછી બીજા દિવસે ઘટાડો નોંધાવ્યો. ૩૦ શેરો ધરાવતો બીએસઈ બેન્ચમાર્ક અસ્થિર વેપારમાં ૩૩.૯ પોઈન્ટ અથવા ૦.૦૫ ટકાના ઘટાડા સાથે ૬૨,૮૩૪.૬૦ પર બંધ રહ્યો હતો. દિવસ દરમિયાન તે ૩૬૦.૬૨ પોઈન્ટ્સ અથવા ૦.૫૭ ટકા ઘટીને ૬૨,૫૦૭.૮૮ પર રહ્યો હતો, પરંતુ પાછળથી રિકવર થયો હતો. વ્યાપક એનએસઈ નિફ્ટી ૪.૯૫ પોઈન્ટ અથવા ૦.૦૩ ટકા વધીને ૧૮,૭૦૧.૦૫ પર બંધ થયો હતો. બજારમાં ઉત્સાહ છતા આજે કંઈ ખાસ કારોબાર જોવા મળ્યો ન હતો અને બંને સૂચકાંકો મંદી પર સમાપ્ત થયા હતા. અત્રે ઉલ્લેખનીય છે કે સેન્સેક્સે સતત આઠ દિવસ સુધી જબરદસ્ત વેગ પકડ્યો હતો. તે પછી ધંધો ધીમો છે.

સેન્સેક્સ પેકમાં રિલાયન્સ ઇન્ડસ્ટ્રીઝ, ટેક મહિન્દ્રા, અલ્ટ્રાટેક સિમેન્ટ, ડૉ. રેડ્ડીઝ, એક્સિસ બેંક, ભારતી એરટેલ, બજાજ ફિનસર્વ અને મહિન્દ્રા એન્ડ મહિન્દ્રા ઘટનારા શેરમાં મુખ્ય હતા. ટાટા સ્ટીલ, એનટીપીસી, સ્ટેટ બેંક ઓફ ઈન્ડિયા, ઈન્ડસઈન્ડ બેંક અને પાવર ગ્રીડ સામેલ હતા.

એશિયામાં અન્યત્ર, ટોક્યો, શાંઘાઈ અને હોંગકોંગના શેરબજાર ઊંચા બંધ થયા, જ્યારે સિઓલ નીચામાં બંધ થયા. યુરોપમાં ઇક્વિટી એક્સચેન્જો મોટે ભાગે બપોરના વેપારમાં નીચા વેપાર કરતા હતા. વોલ સ્ટ્રીટ શુક્રવારે મિશ્ર નોટ પર બંધ થયું હતું. આંતરરાષ્ટ્રીય તેલ બેન્ચમાર્ક બ્રેન્ટ ક્રૂડ ૧.૭૩ ટકા વધીને ૮૭.૦૫ ડોલર પ્રતિ બેરલ પર ટ્રેડ કરી રહ્યું હતું. એક્સચેન્જ ડેટા અનુસાર શુક્રવારે વિદેશી સંસ્થાકીય રોકાણકારો (એફઆઈઆઈ)એ રૃ. ૨૧૪.૭૬ કરોડના શેર ખરીદ્યા હતા.

સ્થાનિક બજારોમાં નબળાઈ અને ક્રૂડ ઓઈલના ભાવમાં વધારાને કારણે સોમવારે રૃપિયો યુએસ ડોલર સામે ૪૭ પૈસા ઘટીને ૮૧.૮૦ (કામચલાઉ) પર બંધ થયો હતો. આંતરબેંક ફોરેક્સ માર્કેટમાં, સ્થાનિક એકમ ૮૧.૨૬ પર ખૂલ્યું હતું પરંતુ તેના પાછલા બંધ કરતાં ૪૭ પૈસા ઘટીને ૮૧.૮૦ પર સ્થિર થયો હતો. દિવસ દરમિયાન, રૃપિયો ઇન્ટ્રા-ડે ૮૧.૨૫ની ઊંચી અને ૮૧.૮૨ની નીચી સપાટીએ પહોંચ્યો હતો. શુક્રવારે ડોલર સામે રૃપિયો ૭ પૈસા ઘટીને ૮૧.૩૩ પર બંધ થયો હતો.

ડૉલર ઇન્ડેક્સ, જે છ ચલણો સામે ગ્રીનબેકની મજબૂતાઈને માપે છે, તે ૦.૧૦ ટકા ઘટીને ૧૦૪.૪૪ પર આવી ગયો છે. વૈશ્વિક ઓઇલ બેન્ચમાર્ક બ્રેન્ટ ક્રૂડ ફ્યુચર્સ ૧.૮૨ ટકા વધીને ૮૭.૧૩ ડોલર પ્રતિ બેરલ થયું હતું. બુધવારે આરબીઆઈની નાણાકીય નીતિના પરિણામ પહેલા રોકાણકારો સાવચેત રહી શકે છે. રોકાણકારોને ૩૫-બીપીએસ દરમાં વધારાની અપેક્ષા છે. આરબીઆઈ સોમવારથી શરૃ થનારી મોનેટરી પોલિસી કમિટી (એમપીસી)ની ત્રણ દિવસની બેઠકના અંતે ૭ ડિસેમ્બરે તેની આગામી દ્વિ-માસિક નીતિ સમીક્ષાનું પરિણામ રજૂ કરશે.

(7:22 pm IST)