Gujarati News

મુંબઇ, તા.૫: ઘણા લોકો થિયેટરોમાં બેસીને ફિલ્‍મોનો આનંદ માણી શકતા નથી. તેઓ ઘરે બેસીને ઉત્તેજક શો અને મૂવી જોવાનું પસંદ કરે છે. તે જ સમયે, એવા ઘણા લોકો છે જેઓ તેમની મનપસંદ વેબ સિરીઝ અને મૂવીઝ OTT પર રિલીઝ થવાની રાહ જોતા હોય છે. હવે તેમની રાહનો અંત આવવાનો છે. ડિસેમ્‍બરનું આ બીજું અઠવાડિયું દર્શકો માટે ધમાકેદાર સાબિત થવાનું છે, કારણ કે આ અઠવાડિયે ઘણી વેબ સિરીઝ અને ફિલ્‍મો OTT પર રિલીઝ થવા જઈ રહી છે. ચાલો તમને જણાવીએ કે કઈ ફિલ્‍મો અને વેબ સિરીઝ કયાં અને કયારે રીલિઝ થવા જઈ રહી છે?

બ્‍લર

તાપસી પન્નુની ફિલ્‍મ ‘બ્‍લર' OTT પર ધમાલ મચાવવા માટે તૈયાર છે. જોકે તાપસી પન્નુની છેલ્લી કેટલીક ફિલ્‍મો બોક્‍સ ઓફિસ પર કંઈ ખાસ કમાલ કરી શકી નથી. આ વખતે તે OTT પર તેની નવી ફિલ્‍મ બ્‍લર લઈને આવી છે. બ્‍લર એક હોરર ફિલ્‍મ છે. બ્‍લર ૯ ડિસેમ્‍બરે Zee Five ના OTT પ્‍લેટફોર્મ પર રિલીઝ થશે. આ ફિલ્‍મમાં તાપસી પન્નુ એક છોકરીનું પાત્ર ભજવી રહી છે જેને તેની જોડિયા બહેનની હત્‍યા વિશે ખબર પડે છે.

કેંટ

આ અઠવાડિયે લોકોને OTT પ્‍લેટફોર્મ પર ફિલ્‍મ ‘કેટ' પણ જોવા મળશે. આ ફિલ્‍મમાં રણદીપ હુડ્ડા મુખ્‍ય ભૂમિકામાં હતા. ફિલ્‍મ ‘કેટ'ની વાર્તા પંજાબમાં ડ્રગ્‍સના ગેરકાયદે વેપાર પર આધારિત છે. દર્શકોને ૯ ડિસેમ્‍બરે OTT પ્‍લેટફોર્મ નેટફિ્‌લક્‍સ પર આ ફિલ્‍મ જોવા મળશે.

‘ફાદુ એક લવ સ્‍ટોરી'

ફાદુઃ એક લવ સ્‍ટોરી એ એક લવ સ્‍ટોરી પર આધારિત વેબ સિરીઝ છે. આમાં એક છોકરો એક છોકરીના પ્રેમમાં પડે છે. એ છોકરી કવિયત્રી છે. બંને એકબીજાને પ્રેમ કરે છે, પરંતુ તેમની વિચારસરણી એકબીજાથી તદ્દન અલગ છે. જીવન વિશે બંનેની પોતાની અલગ વિચારસરણી અને સમજ છે. આ વેબ સિરીઝ ૯ ડિસેમ્‍બરે Sony Livના OTT પ્‍લેટફોર્મ પર રિલીઝ થશે.