Gujarati News

નવી દિલ્હી: સર્વોચ્ચ અદાલતે ઇતિહાસના પુસ્તકોમાંથી તાજમહેલ વિશેની ‘ખોટી માહિતી’ દૂર કરવાની માંગ કરતી પીઆઈએલને ધ્યાનમાં લેવાનો ઇનકાર કર્યો હતો.
અરજીમાં તાજમહેલની “ચોક્કસ ઉંમર” નક્કી કરવા અને ઈતિહાસના પુસ્તકોમાં તેના બાંધકામ સંબંધિત ખોટી માહિતીને દૂર કરવા ASIને નિર્દેશ આપવાની માંગ કરવામાં આવી હતી.
જસ્ટિસ એમ.આર.શાહ અને સીટી રવિકુમારની બનેલી બેન્ચે આ અરજી પર સુનાવણી કરવાનો ઇનકાર કર્યો હતો અને અરજદારને કહ્યું હતું કે આવા મુદ્દાઓને ASI (ભારતીય પુરાતત્વ સર્વેક્ષણ) પાસે લઈ જવા જોઈએ.
ખંડપીઠે કહ્યું, “દરેક મુદ્દા પર કોર્ટને વચમાં ન લાવો. કોર્ટ કેવી રીતે નક્કી કરશે કે તાજમહેલની વાસ્તવિક ઉંમર કેટલી છે અથવા 400 વર્ષ પહેલા તેની સાથે જોડાયેલા તથ્યો શું હતા.”
સુપ્રીમ કોર્ટની ટિપ્પણી બાદ અરજદાર સુરજીત સિંહ યાદવે અરજી પાછી ખેંચી લીધી હતી.