Gujarati News

બારામુલ્લા: કેન્દ્રીય ગૃહ પ્રધાન અમિતભાઈ શાહે આજે પાકિસ્તાન સાથે કોઈપણ પ્રકારની વાતચીતને નકારી કાઢી હતી અને ભારપૂર્વક જણાવ્યું હતું કે મોદી સરકાર જમ્મુ-કાશ્મીરમાંથી આતંકવાદનો સફાયો કરશે અને તેને દેશનું સૌથી શાંતિપૂર્ણ સ્થળ બનાવશે.

અહીં એક રેલીને સંબોધતા શ્રી શાહે પૂછ્યું કે શું આતંકવાદથી ક્યારેય કોઈને ફાયદો થયો છે ? કારણ કે ૧૯૯૦ના દાયકાથી જમ્મુ અને કાશ્મીરમાં તેણે ૪૨૦૦૦ લોકોના જીવ લીધા છે.
તેમણે જમ્મુ અને કાશ્મીરના કથિત અવિકસિતતા માટે અબ્દુલ્લાઓ (નેશનલ કોન્ફરન્સ), મુફ્તીઓ (પીડીપી) અને નહેરુ-ગાંધી (કોંગ્રેસ)ના પરિવારોને પણ દોષી ઠેરવ્યા હતા કારણ કે તેઓએ ૧૯૪૭માં આઝાદી પછી મોટાભાગનો સમય અગાઉના રાજ્યમાં શાસન કર્યું હતું.
 "કેટલાક લોકો કહે છે કે આપણે પાકિસ્તાન સાથે વાત કરવી જોઈએ. આપણે પાકિસ્તાન સાથે કેમ વાત કરવી જોઈએ? અમે વાત નહીં કરીએ. અમે બારામુલ્લાના લોકો સાથે વાત કરીશું, અમે કાશ્મીરના લોકો સાથે વાત કરીશું," શ્રી શાહે કહ્યું.
તેમણે કહ્યું કે નરેન્દ્રભાઈ મોદી સરકાર આતંકવાદને સહન કરતી નથી અને તેનો સફાયો કરવા માંગે છે.