Gujarati News

Gujarati News

News of Friday, 5th March 2021

એક એપ્રિલથી વેપારીઓને જેટલી ક્રેડિટ દેખાશે તેટલી જ લઇ શકશે

GSTના નવા નિયમ લાગુ થતાં વેપારીઓની પરેશાની વધશે :હાલમાં GST 2 - એમાં દેખાય તેના કરતાં વધુ ક્રેડિટ વેપારીઓને લેવાની છૂટ

નવી દિલ્હી, તા.૫: આગામી એક એપ્રિલથી જીએસટીના કાયદામાં ધરખમ ફેરફાર કરવામાં આવનાર છે. તેના કારણે વેપારીઓની પરેશાનીમાં ઘટાડો થવાને બદલે વધારો થવાનો છે. કારણ કે જીએસટી રીટર્નના રએમાં જેટલી ક્રેડિટ વેપારીઓને દેખાતી હશે તેટલી જ ક્રેડિટ લઇ શકશે. તેના કરતાં વધારે ક્રેડિટ હવેથી વેપારીઓ નહીં લઇ શકે તે પ્રમાણેનું અમલીકરણ કરવાની દિશામાં કાર્યવાહી હાથ ધરી દેવામાં આવી છે. આનો અમલ થવાની સાથે જ વેપારીઓમાં રોષ વધવાની પણ શકયતા રહેલી છે.

જીએસટીના ૨-એમાં જેટલી ક્રેડિટ દેખાતી હોય તેના કરતા ૧૦ ટકા વધુ ક્રેડિટ લેવામાં આવે તો વેપારીઓ સામે કાર્યવાહી કરવામાં આવતી નહોતી. જયારે તેમાં સુધારો કરીને ૧૦ ટકાના બદલે પાંચ ટકા વધુ ક્રેડિટ લઇ શકે તેવો નિયમ લાગુ કરવામાં આવ્યો છે. જયારે આગામી એક એપ્રિલથી તેમાં પણ સુધારો કરીને વેપારીના જીએસટીના રીટર્ન ર-એમાં જે ક્રેડિટ દેખાતી હશે તેટલી જ ક્રેડિટ વેપારીઓ લઈ શકશે. આ નિયમ લાગુ કરવા માટેની તૈયારીઓ પણ પૂર્ણ કરી દેવામાં આવી હોવાની વિગતો જાણવા મળી છે. જેથી આગામી એક એપ્રિલથી આ નિયમ લાગુ થતાની સાથે જ વેપારીઓની પરેશાની વધવાની છે. વેપારીઓની પરેશાની વધવાનું કારણ એવું છે કે, હાલમાં વેપારીઓ જીએસટીઆર રએમાં જે ક્રેડિટ દેખાય છે તેના કરતાં પાંચ ટકા અને તેનાથી વધુ પણ ક્રેડિટનો વપરાશ કરી લેતા હોય છે. જોકે, તે માટે વ્યાજ અને દંડ ભરપાઇ કરવાનો આવે તો પણ વેપારીઓ તે ભરપાઇ કરવામાં ખચકાટ અનુભવતા નથી. જયારે આ સિસ્ટમ જ હવેથી બંધ કરી દેવામાં આવનાર છે. જેથી વૈપારીઓએ ફરજિયાત રીટર્નની રકમના નાણાં રોકડમાં ભરવાની નોબત આવવાની છે.(૨૩.૧૨)

એક એપ્રિલથી GST રિટર્નનું સિંગલ ફોર્મ આવશે 

વેપારીઓને જીએસટીરીટર્ન ભરવામાં તકલીફ નહીં પડે તે માટે સીંગલ ફોર્મ લાવવામાં આવનાર છે. આ ફોર્મમાં તમામ વિગતો જીએસટી રીટર્નના આધારે ભરપાઇ કરેલી જ હશે. જેથી વેપારીઓએ ફકત તેને ઓકે કરવાનુ રહેશે. આ ફોર્મમાં વેપારીઓના ઇ વેબિલ- રીટર્ન. સામેવાળા વેપારીઓએ ભરેલી જીએસટીની રકમ સહિતની વિગતો સિસ્ટમ દ્વારા આપોઆપ જ ભરાઇને આવશે. જેથી વેપારીઓએ ફકત તેને તપાસ જ કરવાનુ રહેશે, જેથી વેપારી એક કલીક કરીને જ રીટર્ન ભરી શકે તેવી સુવિધા ઉભી કરવામાં આવનાર છે.

(1:03 pm IST)
  • મુંબઈમાં મુકેશ અંબાણીના ઘર સામે મળેલ શંકાસ્પદ સ્કોર્પીયો કારના માલિકનું રહસ્યમય મોત : કાર માલિક મનસુખ હિરેનનો મૃતદેહ મળી આવતા ખળભળાટ : થોડા દિવસ અગાઉ રિલાયન્સના મુકેશ અંબાણીના ઘરની બહાર શંકાસ્પદ સ્કોર્પીયો કાર દેખાઈ હતી : જેમાંથી જીલેટીન મળ્યા હોવાના જે તે વખતે ખુલાસો થયો હતો access_time 5:24 pm IST

  • સુશાંત સંબંધી ડ્રગ્સ કેસમાં ચાર્જશીટ દાખલ સુશાંત સિંહ રાજપૂત સંબંધી ડ્રગ્સ કેસમાં આજે નેશનલ ક્રાઈમ બ્યુરો (એન.સી.બી.) સ્પેશિયલ એન.ડી.પી.એસ. કોર્ટમાં ચાર્જશીટ દાખલ કરી રહી છે. બોલિવૂડ અભિનેત્રી રીયા ચક્રવર્તી, તેનો ભાઈ અને બીજાઓ આ કેસમાં આરોપીઓ છે. access_time 1:17 pm IST

  • આવતીકાલે પણ સંતો - મહંતોની મીટીંગ : આ વખતે જૂનાગઢમાં મહાશિવરાત્રીનો મેળો બંધ રાખવાના મામલે સાધુ સંતોમાં વિરોધ વંટોળ ઉઠ્યો છે ત્યારે આ મામલે આવતીકાલે સવારે ૧૦ વાગ્યે ફરી સાધુ સંતોની મીટીંગ મળનાર છે. જેમાં વેપારી એસોસીએશન, પાથરણાવાળા વિ. આ મીટીંગમાં જોડાશે અને શિવરાત્રીનો મેળો બંધ રાખવા મામલે વિરોધ વ્યકત કરશે. access_time 2:33 pm IST