Gujarati News

Gujarati News

News of Thursday, 4th March 2021

બાર્બાડોસની મહિલા પ્રધાનમંત્રી મિઆ અમોર મોટલેએ પીએમ મોદીની ઉદારતા પર આફરીન

મોટલોએ લખ્યું - પીએમ મોદીએ પોતે વેક્સીન લેતા પહેલા બારબાડોસના 40 હજાર લોકો અને દુનિયાના લાખો લોકો માટે એ સુનિશ્ચિત કર્યું કે તેઓ વેક્સીન મૈત્રી દ્વારા કોરોનાની રસી લે

નવી દિલ્હી : દુનિયાભરના દેશોને કોરોનાને વેક્સીન મૈત્રી અભિયાન અંતર્ગત લાખો ડોઝ મફતમાં આપ્યા બાદ જ પોતે કોરોનાની રસી લગાવવા બદલ પીએમ મોદીની દુનિયાભરમાં ભારોભાર પ્રસંશા થઈ રહી છે. કેરેબિયન દેશ બાર્બાડોસની પ્રધાનમંત્રી મિઆ અમોર મોટલેએ તો પીએમ મોદીની ઉદારતા પર આફરીન થઈ ગયા છે. તેમને જાતે ટ્વિટ કરીને પ્રધાનમંત્રી મોદીના સારા સ્વાસ્થ્યની પ્રાર્થના કરી છે.

પીએમ મોટલોએ લખ્યું હતું કે - પીએમ મોદીએ પોતે વેક્સીન લેતા પહેલા બારબાડોસના 40 હજાર લોકો અને દુનિયાના લાખો લોકો માટે એ સુનિશ્ચિત કર્યું કે તેઓ વેક્સીન મૈત્રી દ્વારા કોરોનાની રસી લે. આ ખરેખર પીએમ મોદીની ઉદારતાના વાસ્તવિક દર્શન છે.ખુબ ખુબ આભાર અને હું તમારા તંદુરસ્ત સ્વાસ્થ્યની પ્રર્થના કરૂ છું.

પીએમ મોદીએ ગત સોમવારે રાજધાની દિલ્હીના AIIMSમાં કોરોનાની વેક્સીનનો પહેલો ડોઝ લીધો હતો. તેઓ વહેલી સવારે હોસ્પિટલ પહોંચ્યા હતાં અને કોરોનાની રસી લગાવડાવી હતી.

વેક્સીન લીધા બાદ પીએમ મોદીએ તમામ લોકોને ભારતને કોરોના મુક્ત બનાવવાના અભિયાનમાં સાથ આપવાની અપીલ કરી હતી. પીએમ મોદીને ભારત બાયોટેક દ્વારા તૈયાર કરવામાં આવેલી કોરોનાની વેક્સીન Covaxin આપવામાં આવી હતી. આ વેક્સીનને ગત મહિને સીરમ ઈન્સ્ટિટ્યૂટ ઓફ ઈન્ડિયા દ્વારા બનાવવામાં આવેલી Covishieldની સાથો સાથ જ ઈમરજન્સી યૂઝની મંજુરી આપી દેવામાં આવી હતી

 પીએમ મોદીએ Covaxinનો ડોઝ લઈને માત્ર વેક્સીનને લઈને ઉભી થઈ રહેલી આશંકાઓને દુર નહોતી કરી પણ એક જ તીરે અનેક નિશાન સાધ્યા હતાં. ભારતમાં 16 જાન્યુઆરીએ કોરોના વાયરસ ટીકાકરન અભિયાન શરૂ કરવામાં આવ્યું હતું.

(11:44 pm IST)
  • મોટા ભાગના ખેલાડીઓનો કોરોના ટેસ્ટ પોઝીટીવ આવતા પીએસએલ સીઝન ૬ (પાકિસ્તાન સુપર લીગ) ર૦-ર૦ ક્રિકેટ ટુર્નામેન્ટ મોકૂફ/ રદ કરવામાં આવી છે access_time 3:59 pm IST

  • સુરતમાં નાના વરાછાની શાળાના ધોરણ 7ના 5 વિદ્યાર્થીઓ કોરોના સંક્રમિત : પ્રાથમિક વિભાગ 14 દિવસ પૂરતો બંધ કરવામાં આવ્યો access_time 10:23 am IST

  • આંતરરાષ્ટીય મહિલા દિવસ પર રિલીઝ થશે ડોક્યુમેન્ટરી ફિલ્મ ' વુમેન ઓફ ઓનર " : નેશનલ જિયોગ્રાફિક ચેનલ પર રાત્રે 9 વાગ્યે 'વિમેન ઓફ ઓનર - ડેસ્ટિનેશન આર્મી' ડોક્યુમેન્ટરી ફિલ્મનું પ્રસારણ કરાશે : ફિલ્મ હોટસ્ટાર અને ડિઝની પર પણ જોવા મળશે :આ ફિલ્મ દિલ્હી કેન્ટના એનસીસી ઓડિટોરિયમમાં પ્રેસ અને સેનાના અધિકારીઓની સામે રજૂ કરાઈ હતી જેને ખુબ પસંદ કરવામાં આવી હતી access_time 12:20 am IST