Gujarati News

જલગાંવ જિલ્લાની સરકારી હોસ્ટેલમાં અમુક પોલીસ કર્મચારી અને બહારથી આવેલી વ્યક્તિએ યુવતીઓ પાસે જબરજસ્તી ન્યૂડ ડાન્સ કરાવડાવ્યો હોવાની શરમજન ઘટના પ્રકાશમાં આવી હતી. સામાજિક સંગઠનના પ્રતિનિધિઓએ આ પ્રકરણે જિલ્લા અધિકારી સમક્ષ ફરિયાદ કરી હતી અને આ ઘટનાનો પડઘો વિધાનસભામાં પણ પડયો હતો.

  મહિલા અને બાળ કલ્યાણ વિભાગ મારફતે જલગાંવની ગણેશ કોલોનીમાં નિરાધાર તેમજ અન્યાય અથવા અત્યાચારનો ભોગ બનેલી મહિલાઓ અને યુવતીઓના રહેવાની અને ભોજનની વ્યવસ્થા આશાદીપ હોસ્ટેલમાં કરવામાં આવે છે. આ હોસ્ટેલમાં અગાઉ પણ ગેરપ્રકારની ફરિયાદ મળતી હતી. આ બાબતને ધ્યાનમાં રાખતાં ફાઉન્ડેશન દ્વારા મંગળવારે બપોરે હોસ્ટેલની મુલાકાત લેવામાં આવી હતી.