Gujarati News

Gujarati News

News of Wednesday, 3rd January 2018

પોલિટિકલ ફન્ડિંગમાં ભ્રષ્ટાચાર રોકવા આપશે ઇલેકટોરલ બોન્ડ

બ્લેક મનીને ખતમ કરવા માટે નોટબંધી બાદ મોદી સરકારનું બીજુ મહત્વનું પગલું

નવી દિલ્હી, તા. ૩ :  દેશમાં બ્લેક મનીના દૂષણને ખતમ કરવા માટે ર૦૧૬ના નવેમ્બરમાં નોટબંધીનો નિર્ણય લેનારી મોદી સરકારે હવે ચૂંટણી ભંડોળને ટ્રાન્સપરન્ટ બનાવવા માટે ઇલેકટોરલ બોન્ડનું મહત્વનું કદમ ઉઠાવ્યું છે. રાજકીય પક્ષોને હાલમાં મળતી દાનની  રકમ મોટા ભાગે રોકડમાં હોય છે અને તે કોણે આપી અને કેટલી આપી એની જાણકારી આપવામાં નથી આવતી, પણ હવે આ બોન્ડ દ્વારા એમાં ટ્રાન્સપારન્સી આવશે.

કેટલા રૂપિયાનાં બોન્ડ ?

ઇલેકટોરલ બોન્ડ વિેશ જાણકારી આપતાં નાણાપ્રધાન અરૂણ જેટલીએ લોકસભાનું કહ્યું હતું કે આ બોન્ડ ૧૦૦૦, ૧૦,૦૦૦, એક લાખ, ૧૦ લાખ અને એક કરોડ રૂપિયાના મુલ્યમાં એસબીઆઇની સિલેકટ બ્રાન્ચોમાં ઉપલબ્ધ થશે. આ બોન્ડ જાન્યુઆરી, એપ્રિલ, જુલાઇ અને ઓકટોબર મહિનામાં ૧૦ દિવસ માટે ખરીદી શકાશે. સામાન્ય ચૂટણી થવાની હશે એ વર્ષે આ બોન્ડ વધારાના ૩૦ દિવસ સુધી ખરીદી શકાશે. આ બોન્ડ પર દાનદાતાનું નામ નહીં હોય અને એ ઇશ્યુ થયા બાદ ૧પ દિવસમાં માત્ર અધિકૃત બેન્ક -એકાઉન્ટમાં જમા કરાવી શકાશે.

દાનદાતાનું નામ જાહેર થશે ?

ભારતનો કોઇ પણ નાગરિક તેના બેન્ક-એકાઉન્ટમાં ચુકવણી કરીને જ બોન્ડ ખરીદી શકશે બોન્ડ ખરીદનારે એસબીઆઇને કેવાયસીની વિગતો આપવી પડશે. જોકે બોન્ડ પર તેનું નામ નહીં હોય પણ ડોનરે તેની બેલેન્સશીટમાં આ બોન્ડસની વિગતો આપવી પડશે.

કોને દાનમાં બોન્ડ

આપી શકાશે ?

ઇલઢકટ્રોરલ બોન્ડ કોઇ પણ પાર્ટીને અહીં આપી શકાય. ગત ચૂંટણીમાં જે નોંધણીકૃત રાજકીય પક્ષને થયેલા મતદાન પૈકી એક ટકો મત મળ્યું હોય એને જ આ બોન્ડ દાનમાં આપી શકાશે.

(3:52 pm IST)
  • જમ્મુ અને કાશ્મીરના આરએસ પુરા સેક્ટરના અર્નિયા વિસ્તારમાં આંતરરાષ્ટ્રીય સરહદ પર બોર્ડર સિક્યોરિટી ફોર્સ (બીએસએફ) દ્વારા એક ઘૂસણખોરને ઠાર કરાયો છે. access_time 9:52 am IST

  • વિદેશ પ્રધાન સુષ્મા સ્વરાજે જણાવ્યું હતું કે ભારત સંયુક્ત રાષ્ટ્ર (યુએન)માં હિન્દી ભાષાને અધિકૃત ભાષાનો દરજ્જો દેવડાવવા માટે જરૂરી ખર્ચ કરવા તૈયાર છે, પરંતુ તેમાં યુએનના નિયમો અવરોધરૂપ છે. વાસ્તવમાં, યુએનમાં સત્તાવાર દરજ્જો દેવડાવવા માટે 193 દેશોમાં 129 દેશોનું સમર્થન જરૂરી છે. access_time 10:12 am IST

  • હાલની પરિસ્થિતિ જોતા ગુજરાત ભાજપના પ્રભારી શ્રી ભુપેન્દ્ર યાદવ બદલાય તેવી સેવાય રહેલી શક્યતા : ભાજપ હાઈકમાન્ડે પ્રભારી બદલવાનું મન બનાવી લીધું હોવાની થઇ રહેલી ચર્ચા : હાલ શ્રી યાદવને કર્ણાટકની ચૂંટણીની જવાબદારી સોંપાઈ છે. access_time 4:21 pm IST