Gujarati News

Gujarati News

News of Wednesday, 3rd January 2018

આ વર્ષે રાજ્યસભામાં સૌથી મોટો પક્ષ બનશે ભાજપ

NDA પાસે આ વર્ષે ૯૮ બેઠકો થઇ જશેઃ BJPને ફાયદો થઇ રહ્યો છે ત્યારે કોંગ્રેસ ૪૭ બેઠકો પર આવી જશેઃ કોંગ્રેસ સાથે સમાજવાદી પાર્ટીને પણ નુકસાનઃ ૧૨ નોમિનેટેડ બેઠકમાં ૭ ભાજપ પાસે : કોંગ્રેસના હાથમાંથી જશે ૩ બેઠકો

નવી દિલ્હી તા. ૩ :  BJP માટે ૨૦૧૭નું વર્ષ ખુબ સારું રહ્યું અને આંકડા પર નજર નાંખશો તો ખ્યાલ આવશે કે વર્ષ ૨૦૧૮ પણ સારું રહેશે. કારણકે આ વર્ષે રાજયસભામાં ઘણા ફેરફાર જોવા મળશે. BJP આ વર્ષે ૨૪૫ બેઠકો ધરાવતી રાજયસભામાં પોતાની તાકાત મજબૂત કરતા ૬૭ બેઠકો સુધી પહોંચશે આ સાથે જ તે રાજયસભામાં સૌથી મોટી પાર્ટી બની જશે. જયારે બીજેપીના નેતૃત્વવાળી NDA પાસે આ વર્ષે ૯૮ બેઠકો થઈ જશે. BJPને ફાયદો થઈ રહ્યો છે ત્યારે કોંગ્રેસ ૪૭ બેઠકો પર આવી જશે.

BJPએ આ વર્ષે રાજયસભામાં ઉત્તર પ્રદેશ, મહારાષ્ટ્ર, રાજસ્થાન, હરિયાણા, ઝારખંડ અને ઉત્તરાખંડને કારણે વધુ બેઠકો મળશે. આ રાજયોમાં BJPએ વિધાનસભાની ચૂંટણીમાં વિજય મેળવ્યો છે. જેની સામે કોંગ્રેસ છેલ્લા ૩ વર્ષથી સતત નબળી પડી રહી છે.

BJPની સહયોગી પાર્ટીની વાત કરીએ તો ટીડીપી આ વર્ષે પોતાની સ્થિતિ યથાવત રાખશે. જયારે જેડીયુ પાસે એક બેઠક ઘટી શકે છે. એટલે કે તેમની પાસે ૬ બેઠક રહેશે. વર્તમાનમાં આરજેડી પાસે રાજયસભામાં ત્રણ બેઠકો છે, જે આ વર્ષે વધીને પાંચ થઈ શકે છે. કોંગ્રેસની સાથે સમાજવાદી પાર્ટીને પણ રાજયસભામાં મોટું નુકસાન એટલે કે ૫ બેઠકોનું નુકસાન દેખાઈ રહ્યું છે.

આ તમામ આંકડા ૨૦૧૮માં યોજાનારા રાજયસભાની ઘણા રાજયોમાં પેટા ચૂંટણીના પરિણામોના અનુમાનને આધારે નક્કી કરવામાં આવ્યા છે. આ વર્ષે રાજયસભામાં ૪ બેઠક પર નોમિનેશન કરવામાં આવશે. ૧૨ નોમિનેટેડ બેઠકોમાંથી ૭ બેઠકો પર મોદી સરકારનો અધિકાર છે.

૧૬ જાન્યુઆરીના રોજ કોંગ્રેસના હાથમાંથી ત્રણ બેઠકો જઈ રહી છે. આ દિવસે રાજયસભામાં દિલ્હી ક્ષેત્રની ત્રણ બેઠકો ખાલી થઈ રહી છે. પાર્ટીના ત્રણ સભ્યો- ડો કર્ણ સિંહ, જર્નાદન દ્વિવેદી, પરવેઝ હાશમીનો કાર્યકાળ પૂર્ણ થઈ રહ્યો છે.

(9:59 am IST)
  • વિદેશ પ્રધાન સુષ્મા સ્વરાજે જણાવ્યું હતું કે ભારત સંયુક્ત રાષ્ટ્ર (યુએન)માં હિન્દી ભાષાને અધિકૃત ભાષાનો દરજ્જો દેવડાવવા માટે જરૂરી ખર્ચ કરવા તૈયાર છે, પરંતુ તેમાં યુએનના નિયમો અવરોધરૂપ છે. વાસ્તવમાં, યુએનમાં સત્તાવાર દરજ્જો દેવડાવવા માટે 193 દેશોમાં 129 દેશોનું સમર્થન જરૂરી છે. access_time 10:12 am IST

  • જાપાનના બોનિન ટાપુ પાસે આવ્યો ૫.૪ની તીવ્રતાનો ભૂકંપ access_time 10:42 am IST

  • ભારતે લીધો બદલોઃ ૧૦ થી ૧૨ પાકિસ્તાની સૈનિકોને ભારતીય સેનાએ કર્યા ઠારઃ ર પાકિસ્તાની ચોકી પણ ઉડાવી access_time 1:17 pm IST