Gujarati News

દિલ્હી હાઈકોર્ટમાં આજે અરવિંદ કેજરીવાલ સરકારે રાજધાનીમાં કોરોના મહામારી બાબતે સ્ટેટસ રિપોર્ટ ફાઈલ કર્યો હતો. જેમાં જણાવ્યું છે કે દિલ્હી સરકાર દિલ્હીમાં નાઈટ કરફ્યુ લાગુ કરવા અત્યારે કોઈ જ વિચારણા કરી રહેલ નથી

અગાઉ, દિલ્હી હાઈકોર્ટે આપ સરકારને કોવિડ -19 રોગચાળા સાથે લડવા માટે ચેપગ્રસ્ત લોકોના સંપર્કમાં આવનારા લોકોની તપાસ અને ઓળખ પર ધ્યાન કેન્દ્રિત કરવા જણાવ્યું હતું.

હાઈકોર્ટે એમ પણ કહ્યું હતું કે તપાસના પરિણામો હજી 24 કલાકમાં પણ આવી રહ્યા નથી અને તેને સુધારવાની જરૂર છે. કોર્ટે દિલ્હી સરકારને કોવિડ -19 ની તપાસના પરિણામો મોબાઇલ ફોન્સ પર આપવાનો પ્રયાસ કરવા જણાવ્યું હતું.