News of Saturday, 3rd February 2018

યુપીમાં પોલીસની સટાસટીઃ ૪૮ કલાકમાં ૧૫ એન્કાઉન્ટર

યોગી સરકારની ગુંડાગીરી સામે લાલઆંખઃ ૧૦ જિલ્લામાં કાર્યવાહીઃ ૨૪ વોન્ટેડની ધરપકડ

લખનઉ તા. ૩ : યુપીની પોલીસે સપાટો બોલાવતા ૪૮ કલાકમાં ૧૫ એન્કાઉન્ટર કર્યા છે. ૧૦ જિલ્લામાં પોલીસે કરેલી કાર્યવાહીમાં ૨૪ વોન્ટેડ આરોપીઓની ધરપકડ કરાઈ હતી, જયારે એકનું એન્કાઉન્ટરમાં મોત થયું હતું. આ અથડામણો દરમિયાન પોલીસને વિશાળ માત્રામાં હથિયારો સાથે રોકડા, જવેલરી તેમજ ગાડીઓ પણ મળી આવ્યા છે. આ તમામ વસ્તુઓ આ ગુંડાઓ લૂંટીને લાવ્યા હતા.

યુપીના ડીજીપીના જણાવ્યા અનુસાર, વોન્ટેડ આરોપીઓને પકડી તેમને જેલમાં ધકેલી દેવા માટે આ કાર્યવાહી શરુ કરાઈ છે. પકડાયેલા લોકોમાંથી ૮ લોકો પર ૧૫ હજાર રૂપિયાથી માંડીને ૫૦ હજાર રૂપિયા સુધીનું ઈનામ હતું. પોલીસને કાર્યવાહી દરમિયાન સ્વરક્ષણ માટે જ ફાયરિંગ કરવાની સૂચના અપાઈ હતી.

મુઝફફરનગરમાં પોલીસે ઈન્દ્રપાલ નામના એક નામી બદમાશને ઠાર માર્યો હતો. ઈન્દ્રપાલની સામે ૩૩ ક્રિમિનલ કેસો ચાલતા હતા અને તે લાંબા સમયથી ફરાર હતો. તેના માથા પર ૨૫ હજાર રૂપિયાનું ઈનામ હતું, અને તે એ કોન્સ્ટેબલની હત્યા ઉપરાંત પોલીસની ટીમ પર પણ ફાયરિંગ કરી ચૂકયો છે.

યુપી પોલીસે બુધવાર રાતથી આ કાર્યવાહી શરૂ કરી હતી. જેમાં અનેક વોન્ટેડ આરોપીઓની ધરપકડ કરી લેવામાં પોલીસ સફળ રહી હતી. યુપીમાં ગુનાખોરીનું પ્રમાણ દેશની સરેરાશ કરતા ઘણું ઉંચું છે. યોગી આદિત્યનાથની સરકાર બની ત્યારે તેના પર પણ ગુંડાતત્વો સામે કાર્યવાહી કરવા જોરદાર દબાણ હતું. યુપીની ચૂંટણીમાં પણ રાજયને ગુનાખોરીમાંથી મુકત કરવાનો મુદ્દો છવાયેલો રહ્યો હતો.(૨૧.૨૮)

(3:36 pm IST)
  • વડોદરાની એમએસ યુનિવર્સિટીમાં પૂર્વ વિદ્યાર્થીએ હેડ ઓફીસમાં આગ લાગી : ફાયર ફાઈટરો ઘટનાસ્થળે : આગ લાગતા ૫૦થી વધુ કર્મચારીઓને ઓફીસની બહાર કાઢવામાં આવ્યા : પૂર્વ વિદ્યાર્થીએ આગ લગાડી હોવાની શંકાએ સિકયુરીટી ગાર્ડે આ વિદ્યાર્થીને ઝડપી લીધો access_time 9:31 am IST

  • રાજસ્થાન – મધ્યપ્રદેશ - ગુજરાતમાં પણ રિલિઝ થશે 'પદ્માવત': કરણી સેના તૈયારઃ મુંબઇઃ દુનિયાભરમાં બમ્પર કમાણી કરી રહેલી પદ્માવત હવે જયાં કરણી સેનાનો વિરોધ છે ત્યાં પણ રિલીઝ થશેઃ આ પ્રકારના સંકેતો સ્વયં શ્રી રાષ્ટ્રીય રાજપુત કરણી સેનાએ આપ્યો છેઃ એટલુ જ નહિ કરણી સેના તરફથી ભણસાલી પ્રોડકશનને ભરોસો અપાયો છે કે અમે રાજસ્થાન, મધ્યપ્રદેશ, ગુજરાતમાં વિરોધ નહી કરીએઃ આ બધુ કરણી સેનાએ એક પત્રના માધ્યમથી કહ્યુ છે access_time 11:57 am IST

  • ગયા વર્ષે યોજાયેલી ગોવામાં વિધાનસભા ચૂંટણીઓ દરમિયાન દિલ્હી મુખ્યમંત્રી અરવિંદ કેજરીવાલની લાંચ સંબંધીત ટિપ્પણીના આક્ષેપો અંગેના કેસમાં તેમના વિરુદ્ધ નોંધાયેલ મામલામાં નોટિસ ફટકારાઇ છે. 8 ફેબ્રુઆરીના રોજ આ બાબત પરની આગામી સુનાવણી થશે. કેજરીવાલે જાહેરમાં મતદારોને ગોવા ચૂંટણીઓ દરમિયાન વિપક્ષી દળો દ્વારા મતદાનના બદલામાં આપવામાં આવતી કથીત લાંચ લઈ લેવાની અપીલ કરી હતી. access_time 12:59 am IST