Gujarati News

Gujarati News

News of Saturday, 3rd February 2018

બેંગાલુરૂમાં ભાજપના કાર્યકર્તાની હત્યા કરાઇ

કાર્યકર્તાની હત્યાના વિરોધમાં ભાજપનું પ્રદર્શન : હત્યા કરનાર ચાર આરોપીઓની ધરપકડ

બેંગ્લોર તા. ૩ : વિધાનસભા ચૂંટણી પહેલા બેંગાલુરૂમાં ભાજપ કાર્યકર્તાની ચાકુ મારીને હત્યા કરી દેવામાં આવી છે. બુધવારે સંતોષ બેંગાલુરૂનાં જેસી નગર ચિનપ્પા પાર્કમાં ભાજપ પરિવર્તન રેલી માટે ઝંડા લગાવી રહ્યો હતો અને તેવાં સમયે ૪ લોકો સાથે તેનો ઝઘડો થઇ ગયો.

જેમાં તે સમયે હુમલાખોરોએ તેનાં પર ચાકુથી જોરદાર હુમલો કરી દીધો હતો. આ તમામ હુમલાખોરો નશામાં હતાં. પોલીસે ચારેય આરોપીઓની ધરપકડ કરી લીધી છે અને પોલીસ દ્વારા તેમની પૂછપરછ કરવામાં આવી રહી છે. જો કે આ મામલે ભાજપનાં કાર્યકર્તાની હત્યા થતાં ભાજપનાં લોકોમાં ભારે વિરોધ જોવાં મળી રહ્યો છે. ભાજપ દ્વારા આ હત્યાને મામલે ઉગ્ર વિરોધ પ્રદર્શન કરવામાં આવી રહ્યો છે.

(11:38 am IST)
  • 24 કલાકમાં 6 એન્કાઉન્ટર : કાસગંજ હિંસા બાદ યુપીના સીએમ યોગી આદિત્યનાથે કહ્યું હતું કે કોઇપણ પ્રકારના અરજકતા ફેલાવનાર તત્વોને સહન કરવામાં આવશે નહીં. જે બાદ 24 કલાકમાં યુપી પોલીસે લખનઉ, ગોરખપુર, મુઝફ્ફરનગર, નોએડા, મેરઠ અને કન્નોજમાં એન્કાઉન્ટર કર્યાં. શનિવારે લખનઉમાં પોલીસ અને બાવરિયા ગેંગ વચ્ચે એન્કાઉન્ટર થયું હતું. જેમાં 4 ડાકૂની ધરપકડ કરવામાં આવી છે. access_time 1:42 pm IST

  • જમ્મુ કાશ્મીરના બારામુલામાંથી બે આતંકીઓ ઝડપાયા : સુરક્ષાદળોએ બંને આતંકીઓની કરી ધરપકડ : તેઓએ પાકિસ્તાનમાં ટ્રેનીંગ લીધી હોવાનું ખુલ્યુ access_time 5:55 pm IST

  • 'ઓલ ઈન્ડિયા મુસ્લિમ પર્સનલ લો બોર્ડ' (AIMPLB)નાં 'મોડલ નિકાહનામાં' માં નિકાહ દરમિયાન પતી દ્વારા પોતાની પત્નીને ભવિષ્યમાં ક્યારેય એક સાથે ત્રણ તલ્લાક નહી દયે તેવું લેખિતમાં સોગંધ લેવાની જોગવાઈ ઉમેરવાની જોરશોરથી ચર્ચાઓ ચાલી રહી છે. ૯ ફેબ્રુઆરીએ હેદરાબાદમાં શરૂ થનારી બેઠકમાં આ સુધારેલા મોડેલ નિકાહનામાં પર વિચાર-વિમર્શ થશે. access_time 12:57 am IST