પોલેન્ડ : સિગારેટના મુદ્દે થયેલી લડાઈમાં 23 વર્ષીય ભારતીય યુવક સૂરજની છરી મારી હત્યા : કેરળના અન્ય ચાર લોકો ઘાયલ : પોલેન્ડમાં ભારતીય દૂતાવાસ દ્વારા ઘટનાની વિગતો શેર કરવામાં આવી
નવી દિલ્હી : કેરળના ત્રિશૂરના 23 વર્ષીય સૂરજને પોલેન્ડમાં એક કંપનીના એપાર્ટમેન્ટમાં સિગારેટ પીવાના વિવાદ બાદ જ્યોર્જિયન વ્યક્તિએ ચાકુ મારીને હત્યા કરી હતી. બોલાચાલીમાં દરમિયાનગીરી કરવા આવેલા કેરળના અન્ય ચાર લોકો પણ ઘાયલ થયા હતા. મૃતકના પરિવાર દ્વારા જાણ કરવામાં આવ્યા બાદ પોલેન્ડમાં ભારતીય દૂતાવાસ દ્વારા ઘટનાની વિગતો શેર કરવામાં આવી હતી. સૂરજ ત્રિશૂરના ઓલુર શહેરનો રહેવાસી હતો.
ઈન્ડિયા ટુડેના જણાવ્યા અનુસાર, કંપનીના એપાર્ટમેન્ટમાં વીકએન્ડની પાર્ટી દરમિયાન, જ્યોર્જિયન વ્યક્તિ અને કેરાલી વચ્ચે ધૂમ્રપાનને લઈને દલીલ થઈ હતી. વિવાદ વધી ગયો અને વ્યક્તિએ સૂરજને ગળા અને છાતીમાં ચાકુ મારી દીધું. મૃતકના પરિજનોએ જણાવ્યું કે, સૂરજ 2022માં પોલેન્ડ ગયો હતો અને ત્યાંની એક શિપ મેન્ટેનન્સ કંપનીમાં નોકરી કરતો હતો. તાજેતરમાં તેને મીટ પ્રોસેસિંગ ફેક્ટરીમાંથી કામ માટે ફોન પણ આવ્યો હતો.