રશિયાના આ આંટી ચપ્પુ ફેંકના છે શોખીન: બન્યા છે ચેમ્પિયન

નવી દિલ્હી: રશિયાના સાસોવો શહેરમાં રહેતા ગલીના ચુવિના નામના નિવૃત્ત મહિલાએ તેમના ચપ્પુ ફેંકના શોખને એ રીતે પોષ્યો કે આજે તેઓએ 8 વખત નેશનલ, યુરોપિયન અને વિશ્ર્વ ચેમ્પિયનશીપ હાંસલ કરી છે. 56 વર્ષના ચુવિનાએ 2007માં ચપ્પુ ફેંક શીખવાની શરૂઆત કરી હતી અને માત્ર દોઢ જ મહિનામાં તેણે તેમાં મહારથ હાંસલ કરી હતી.

         થોડા જ સમયમાં તેમણે શહેરમાં યોજાયેલી ચપ્પુફેંકની સ્પર્ધામાં ભાગ લીધો હતો અને તેમાં તેમણે જીત હાંસલ કરી હતી, આ જીતનો સિલસિલો સતત જારી રહ્યો છે જેને પગલે તેમને અનેક દેશોમાં સન્માન મળ્યું હતું. જો કે નાણાભીડને કારણે તેમણે નિવૃત્તિ લઇ લીધી હતી.