શું તમે સ્ટ્રેસમાં છો, તો માત્ર પોતાના પાર્ટનરનો શર્ટ સૂંઘી લો...
લંડન તા. ૧૯ : 'પાર્ટનરની ગેરહાજરીમાં તેના શર્ટની સુગંધથી તણાવ દૂર કરો'એવી સલાહ કોઈ તમને આપે તો? સંશોધકોએ આ પુરવાર કર્યું છે કે તણાવ કે ટેન્શન દૂર કરવાનો આ અકસીર ઉપાય છે. જર્નલ ઓફ પર્સનાલિટી એન્ડ સોશિયલ સાઈકોલોજીમાં પ્રકાશિત થયેલા એક અભ્યાસમાં ૯૬ યુગલ પર આ અખતરો કરવામાં આવ્યો હતો.
ગ્રૂપમાંના પુરુષોને એક શર્ટ આપવામાં આવ્યો, જે તેમણે ૨૪ કલાક સુધી પહેરવાનો હતો. આ સમય રમિયાન તેમને ડીઓડરન્ટ, બોડી-પરફયૂમ, ધૂમ્રપાન તેમજ અમુક ખાઘ પદાર્થોથી દૂર રહેવા જણાવવામાં આવ્યું હતું. આ શર્ટમાંથી આવતી તેમના શરીરની સુગંધ જાળવી રાખવા શર્ટને ઠંડીમાં રાખવામાં આવ્યા. બીજા દિવસે ગ્રૂપની મહિલાઓને આપવામાં આવ્યા.
મહિલાઓને શર્ટ સૂંઘવા જણાવવામાં આવ્યું અને ત્યાર બાદ તેમની સ્ટ્રેસ ટેસ્ટ લેવામાં આવી હતી. જે મહિલાઓએ તેમના પાર્ટનરના શર્ટ સૂંઘ્યા હતા તેઓ ટેસ્ટ દરમિયાન ઓછા તણાવમાં જોવા મળ્યાં હતાં.(૨૧.૯)