...તો છોકરાઓને ભવિષ્યમાં ગર્લફ્રેન્ડ બનાવવામાં કશોય રસ નહીં રહે!

મોબાઇલ ફોન હોય કે પછી ઇન્ટરનેટ, મશીન અને ટેકનોલોજી માણસને લોકોથી દૂરને દૂર કરી રહ્યા છે

લંડન તા. ૯ : મોબાઈલ ફોન હોય કે પછી ઈન્ટરનેટ, મશીન અને ટેકનોલોજી માણસને લોકોથી દૂરને દૂર કરી રહ્યા છે. આટલું ઓછું હોય તેમ હવે તો એવી સેકસ ડોલ્સ પણ બની રહી છે કે જે એટલી સ્માર્ટ છે કે, યંગસ્ટર્સ કોઈ છોકરી સાથે રિલેશનમાં પડવાનું પણ જરુરી નહીં સમજે. આવી જ એક સેકસ ડોલ માર્કેટમાં છવાઈ જવા તૈયાર છે, જેના ફીચર્સ કલ્પી ન શકાય તેવા છે.

ચીનની સેકસ ડોલ કંપનીએ એવી સેકસ ડોલ તૈયાર કર્યાનો દાવો કર્યો છે કે જે તમે જોકસ કહો તો હસે પણ છે, અને તે વાસણ પણ ધોઈ નાખે છે. આ સેકસ ડોલ આર્ટિફિશિય ઈન્ટેલિજન્સની મદદથી બનાવવામાં આવી છે, જેને કંપની સેકસ ડોલ નહીં પણ લવ ડોલ તરીકે ઓળખાવવા માગે છે, કારણકે તે એક છોકરીની માફક જ તમને પ્રેમ કરી શકે છે, અને તમારી ફિલિંગ્સ પણ સમજી શકે છે.

ચીનની સેકસ ડોલ બનાવતી કંપની એકસડોલ આખી દુનિયામાં ફેમસ છે. તેને બનાવનારી ટીમના એક સભ્યના જણાવ્યા અનુસાર, આ ડોલ એમેઝોન એલેકસા કે પછી એપલના સિરી ડિજિટલ આસિસ્ટન્ટની જેમ જ હોશિયાર છે. તે ઈન્ટરનેટ પર તમારા સવાલોના જવાબ શોધી શકે છે, વાઈ-ફાઈ સાથે કનેકટ થઈ તમારા મોબાઈલની માફક જ તેના જવાબ આપી શકે છે.

તેને કોઈ સવાલ પૂછવામાં આવે ત્યારે તે સાચૂકલી છોકરીની માફક જ ફીડબેક આપે છે કે પછી રિએકટ કરે છે અને વાતો પણ કરે છે. આ સેકસ રોબોટ તેની અંદર રહેલા માઈક્રોફોનની મદદથી તમે જે કહો છો તેને સાંભળે છે, અને તમે કોઈ જોક કહો ત્યારે તે તેને સમજીને હસે પણ છે.

એટલું જ નહીં, જો તમારા ઘરે ડિશવોશર હોય તો આ સેકસ રોબોટ તેમાં વાસણો પણ ગોઠવીને તેને સાફ કરી શકે છે. જોકે, તેના મેકર્સનું કહેવું છે કે આ ડોલનું મુખ્ય કામ તો તેના માલિકને સેકસુઅલ સેટિસ્ફેકશન આપવાનું જ રહેશે. ચાઈનીઝ કંપની એકસડોલ ૨૦૧૮માં નવા-નવા સેકસ રોબોટ્સ લોન્ચ કરવાની તૈયારી કરી રહી છે, પણ હજુ સુધી તેની ચોક્કસ તારીખ જાહેર નથી કરાઈ.(૨૧.૨૪)