કેનેડામાં અભ્યાસ કરતા ભારતીય વિદ્યાર્થીઓ માટે નોકરી પર મુકવામાં આવ્યો પ્રતિબંધ
નવી દિલ્હી: કેનેડામાં (Canada) અભ્યાસ કરતા ભારતીય વિદ્યાર્થીઓ (Indian students)માટે મહત્વપૂર્ણ માર્ગદર્શિકા (guidelines)જાહેર કરવામાં આવી છે. ભારતમાં હાજર કેનેડાના હાઈ કમિશને વિદ્યાર્થીઓને ચેતવણી આપી છે કે જ્યાં સુધી તેઓ તેમના પસંદ કરેલા કોર્સની સત્તાવાર રીતે શરૂઆત ન કરે ત્યાં સુધી તેઓ દેશમાં કામ કરવાનું શરૂ કરી શકશે નહીં. દર વર્ષે મોટી સંખ્યામાં ભારતીય વિદ્યાર્થીઓ અભ્યાસ માટે કેનેડા જાય છે. કેનેડાને લઈને ભારતીયોમાં એટલો ક્રેઝ છે કે તે વિદેશમાં ભણવા માટે બીજા નંબરનું સૌથી પસંદગીનું સ્થળ બની ગયું છે. કેનેડા હાઈ કમિશને ટ્વિટ કર્યું, 'ધ્યાનમાં રાખો કે કેટલીક સ્ટડી પરમિટ તમને કેનેડામાં કામ કરવાની મંજૂરી આપે છે. જ્યારે તમારો અભ્યાસ કાર્યક્રમ શરૂ થાય ત્યારે તમે કામ કરવાનું શરૂ કરી શકો છો. તે પહેલા કામ કરવાની છૂટ નથી. આ ઉપરાંત વિદ્યાર્થીઓને તેમના કોર્સની તારીખમાં ફેરફાર અંગે પણ જાણ કરવામાં આવી છે.