Gujarati News

Gujarati News

News of Thursday, 29th October 2020

લગ્ન માટે આ યુગલ પૂરનાં પાણીમાં લગભગ તરીને ચર્ચ પહોંચ્યું

વાવાઝોડાથી રોડ પર ઠેર-ઠેર કાદવ અને પૂરના પાણીનો ભરાવો થઈ ગયો હતોઃ આથી લગ્ન કરવા માટે વરઘોડો કાઢીને ચર્ચમાં જવા નીકળેલા યુગલને જબરી અગવડો વેઠવી પડી

જાકાર્તા, તા.૨૯: ફિલિપીન્સમાં આવેલા વાવાઝોડાને કારણે ત્યાંના અનેક વિસ્તારોમાં અંધાધૂંધી ફેલાઈ ગઈ હતી. વાવાઝોડાથી રોડ પર ઠેર-ઠેર કાદવ અને પૂરના પાણીનો ભરાવો થઈ ગયો હતો. આથી લગ્ન કરવા માટે વરઘોડો કાઢીને ચર્ચમાં જવા નીકળેલા યુગલને જબરી અગવડો વેઠવી પડી. એવામાં ઘૂંટણસમા કાદવથી ભરેલા પાણીમાંથી રસ્તો કાઢીને જઈ રહેલા જાનૈયાઓના ફોટો સોશ્યલ મીડિયા પર વાઇરલ થયા છે.

રોનિલ ગેલિપા અને જેઝિએલ નામનું યુગલ લગ્ન માટે તૈયાર થયું હતું અને તેમને ભારે વરસાદ અને તોફાની હવા હોવા છતાં પોતાનાં લગ્ન મુલતવી ન રાખતાં કોઈ પણ હિસાબે ચર્ચમાં જઈને લગ્ન કરવાં જ હતાં. કપડાં ઊંચાં ચડાવીને કાદવવાળા પાણીમાં થઈને પણ તેઓ નીકળ્યાં. લગ્નવિધિ નિયત સમય કરતાં મોડી શરૂ થઈ હતી. લગ્ન બાદની પાર્ટી પણ ચર્ચની અંદર જ યોજવામાં આવી હતી.

(12:05 pm IST)
  • માનહાની કેસ : ભાજપ અગ્રણી કપિલ મિશ્રાએ દિલ્હીના સ્વાસ્થ્ય મંત્રી સત્યેન્દ્ર જૈનની બિનશરતી માફી માંગી : ફરીથી એવું નહીં થાય તેવી ખાતરી આપ્યા પછી કેસ માંડવાળ કરાયો : 2017 ની સાલમાં દિલ્હીના મુખ્યમંત્રી કેજરીવાલને 2 કરોડ રૂપિયાની લાંચ આપ્યાનો આક્ષેપ કર્યો હતો access_time 5:48 pm IST

  • ' તારક મહેતાકા ઉલ્ટા ચશ્મા ' ટોપ 5 ની રેસમાંથી બહાર :' સાથ નિભાના સાથિયા 2 ' ની ધમાકેદાર એન્ટ્રી : પ્રીમિયર એપિસોડથી જ ટોપ 5 માં સ્થાન મેળવી લીધું : ' છોટી સરદારની ' પણ ટોપ 5 માંથી બહાર : ' ગૂમ હૈ કિસીકે પ્યારમેં ' ની ટોપ 5 માં એન્ટ્રી : 17 થી 23 ઓક્ટોબર સુધીની છેલ્લી ટીઆરપી access_time 6:15 pm IST

  • માનહાની કેસમાં દિલ્હીના મુખ્યમંત્રી કેજરીવાલને ક્લિનચીટ : 2016 ની સાલમાં દિલ્હીના ભાજપ સાંસદ રમેશ બિધુડીએ માનહાની કેસ કર્યો હતો : કેજરીવાલે ન્યુઝ ચેનલમાં આપેલા ઇન્ટરવ્યૂ વખતે પોતાને બદનામ કરતું નિવેદન આપ્યાનો આરોપ હતો : દિલ્હીની રાઉસ એવન્યુ અદાલતે આપેલા ચુકાદાથી ફરિયાદીને ઝટકો access_time 7:12 pm IST