Gujarati News

Gujarati News

News of Friday, 27th November 2020

રશિયામાં ઘૂસણખોરી કરવા બદલ અમેરિકાની નૌસેનાને મળી ધમકી

નવી દિલ્હી: રશિયાએ આરોપ લગાવ્યો છે કે અમેરિકી નૌસેના વારંવાર તેના સમુદ્રી વિસ્તારમાં ઘૂસણકોરી કરવાની કોશિશ કરી રહી છે. રશિયાએ અમેરિકાની નૌસેનાને ધમકી આપતાં કહ્યું કે તેના સમુદ્રી વિસ્તારમાં ઘૂસણખોરી કરનારા અમેરિકાના જહાજને તે તબાહ કરી નાખશે. રશિયાએ દવો કર્યો કે તેના સબમરીને જાપાન સાગરના તેના વિસ્તારમાં ઘૂસી આવેલી અમેરિકી નૌસેનાના વિધ્વંસક જહાજનો પીછો કર્યો હતો. આ જહાજનું નામ યુએસએ જોન એસ મૈકેન છે. એક અહેવાલ અનુસાર રશિયાએ આરોપ લગાવ્યો છે કે અમેરિકાની આ જહાજ તેની સમુદ્રી સીના પીટર ધ ગ્રેટ ગલ્ફના ક્ષેત્રમાં બે કિલોમીટર અંદર સુધી આવી ગયું હતું. તેનું કહેવું છે કે આ જહાજને નષ્ટ કરવાની ચેતવણી આપવામાં આવતાં તેણે અહીંથી ચાલતી પકડી હતી. જો કે અમેરિકી સેનાએ આ પ્રકારની કોઈ ભૂલ થયાનો ઈનકાર કરતાં કહ્યું છે કે તેના જહાજને ક્યાંય જવા માટે કહેવાયું નથી. આ ઘટના મંગળવારે જાપાન સાગરમાં બની હતી.

(6:24 pm IST)
  • પેટ્રોલ ડીઝલના ભાવમાં આજે આઠમા દિવસે પણ ભાવમાં વધારો ઝીંકાયો: પેટ્રોલમાં 24 પૈસા અને ડીઝલનાં ભાવમાં પ્રતિ લિટરે 31 પૈસાનો વઘારો થયો :આઠ દિવસમાં પેટ્રોલમાં 1.07 અને ડીઝલમાં 1.86 ૱ નો ભાવ વધારો થયો છે:ભાવ વધારો સવારે છ વાગ્યા થી લાગુ થશે access_time 11:44 pm IST

  • હોસ્પિટલોમાં આગની ઘટનાઓ જરા પણ સ્વીકાર્ય નથી : સુપ્રિમ કોર્ટે પણ ચિંતા વ્યકત કરી : રાજકોટમાં કોવિડ હોસ્પિટલમાં લાગેલી આગમાં પાંચ કોરોનાના દર્દીઓના મૃત્યુ નિપજતા સુપ્રિમ કોર્ટે પણ ચિંતા વ્યકત કરતાં કહ્યુ છે કે હાઈકોર્ટ પણ સમગ્ર મામલાને નિહાળી રહ્યા છીએ. આ પ્રકારની ઘટનાઓ સ્વીકાર્ય નથી : અમે આખા દેશની સ્થિતિ પર માહિતી લઈ રહ્યા છીએ. access_time 1:07 pm IST

  • અમદાવાદ શહેરમાં કોરોના વિસ્ફોટ :કોરોનાનું સંક્રમણ વધ્યું, ગોતા,બોડકદેવ અને થલતેજ બન્યા હોટસ્પોટ ઝોન: અમદાવાદ મહાનગરપાલિકા દ્વારા વધુ 24 વિસ્તારોને માઈક્રો કન્ટેનમેન્ટ ઝોનમાં મુકાયા access_time 11:51 pm IST