Gujarati News

Gujarati News

News of Wednesday, 27th January 2021

દુનિયાની સૌથી મોટી ગુફા 326 દિવસ પછી ફરીથી પર્યટકો માટે ખોલવામાં આવી

નવી દિલ્હી: દુનિયાની સૌથી મોટી ગુફા 326 દિવસ પછી પર્યટકો માટે ખોલી દેવાઈ છે. સાન ડોંગ નામની આ ગુફા વિયેતનામમાં ક્વાંગ વિન્હ પ્રાંતના નેશનલ પાર્કમાં આવેલી છે. આ વૈશ્વિક મહામારીને કારણે માર્ચ 2020થી બંધ હતી. આ ગુફા 9 કિ.મી. લાંબી, 200 મીટર પહોળી અને 150 મીટર ઊંચી છે. દાવો કરાયો છે કે તેની અંદર ન્યુયોર્ક જેવી 40 ઈમારતો બની શકે છે. તેને વિયેતનામની ગ્રેટ વૉલ પણ કહેવાય છે. ખાસ વાત એ છે કે તેની અંદર નાની નાની 150 ગુફાઓ છે. તે ઉપરાંત વાદળ, તળાવ, નદીઓ અને જંગલો પણ છે. યુનેસ્કોએ જણાવ્યું કે આ ગુફા 50 લાખ વર્ષ જૂની છે. તેને પર્યટકો માટે 2013માં પહેલીવાર ખોલાઈ હતી. ત્યારે આશરે 250 પર્યકટોને જ ત્યાં જવાની મંજૂરી મળી હતી. આ ગુફા 1991માં સ્થાનિક વનવાસી હો ખાને શોધી હતી.

             2009માં બ્રિટિશ સંશોધકોએ આ ગુફા પર રિસર્ચ કર્યુ અને તેને દુનિયામાં ઓળખ અપાવી. તેના પછી યુનેસ્કોએ આ પ્રાકૃતિક ગુફાને તેની યાદીમાં સામેલ કરી. હવે આ ગુફા દુનિયાભરના પર્યટકોને આકર્ષિત કરવા લાગી છે. દર વર્ષે અહીં હજારો લોકો પહોંચે છે.

(5:45 pm IST)
  • આજે વિજયભાઇ રૂપાણીની અધ્યક્ષતામાં કેબિનેટ બેઠકઃ સ્થાનિક સ્વરાજની ચૂંટણીની તૈયારીઓ અંગે ચર્ચા કરશે, ધોરણ ૯ અને ૧૧ ની સ્કૂલો શરૂ કરવા અંગે પણ ચર્ચા થશેઃ ૪ મહાનગરોમાં કર્ફયુ અંગે પણ નિર્ણય લેવાઇ શકે છે access_time 11:20 am IST

  • ફેસબુક વાપરતા ૬૦ લાખ ભારતીયોના ફોન નંબર વેચવા મુકાયા મોટો ખળભળાટ: ફેસબુકનો ઉપયોગ કરી રહેલા ૬૦ લાખ જેટલા ભારતીય લોકોના ફોન નંબર ટેલિગ્રામ ઉપર વેચવા માટે મૂકવામાં આવ્યા છે access_time 8:07 pm IST

  • IPLનું ૧૮ ફેબ્રુઆરીએ ચેન્નાઇમાં ઓકશન : આઈપીએલ ૨૦૨૧નું ઓકશન ૧૮ ફેબ્રુઆરીએ ચેન્નાઈમાં યોજાશે : મુંબઈ ઈન્ડિયન, ચેન્નાઈ, કોલકતા સહિત ૮ ટીમો તેમાં ભાગ લેશે : તાજેતરમાં જ દરેક ટીમોએ પોતાના ખેલાડીઓને રીલીઝ અને રીટર્ન કર્યા છે access_time 4:08 pm IST