Gujarati News

Gujarati News

News of Friday, 22nd January 2021

ઇરાકના પાટનગર બગદાદમાં બે આત્મઘાતી હુમલામાં 28 લોકોના મૃત્યુથી અરેરાટી:73 લોકો ગંભીર ઈજાગ્રસ્ત

નવી દિલ્હી: ઈરાકના પાટનગર બગદાદમાં બે આત્મઘાતી હુમલા થયા હતા. આ હુમલામાં ૨૮ લોકોનાં મોત થયા હતા અને ૭૩ લોકો ઘાયલ થયા હતા. ઈરાકી અધિકારીઓના કહેવા પ્રમાણે ઘાયલ થયેલા લોકોમાંથી ઘણાની સ્થિતિ ખૂબ જ નાજૂક છે એટલે મૃત્યુ આંક હજુ પણ વધે તેવી ભીતિ છે.

ઈરાકના પાટનગર બગદાદના સૌથી વ્યસ્ત માર્કેટમાં બે આત્મઘાતી હુમલા થયા હતા. આ આતંકવાદી હુમલામાં અસંખ્ય લોકોનાં મોત થયા હતા અને સંખ્યાબંધ લોકો ઘાયલ થયા હતા. ઈરાકી સૈન્યના કહેવા પ્રમાણે ઘાયલ થયેલા લોકોની સ્થિતિ ખૂબ જ નાજૂક હોવાથી મૃત્યુ આંક હજુ પણ વધારે હોય એવી શક્યતા છે. આ આત્મઘાતી હુમલાની આતંકવાદી સંગઠનોએ જવાબદારી લીધી નથી, પરંતુ આ હુમલો આઈએસના આતંકવાદીઓએ જ કર્યો હોવાની શક્યતા છે. અગાઉ ૨૦૧૮માં આ જ માર્કેટમાં આઈએસના આતંકવાદીઓ હુમલો કરી ચૂક્યા છે. ઈરાકની સરકારના કહેવા પ્રમાણે સેન્ટ્રલ બગદાદના તયારન વિસ્તારમાં આવેલી બાબ અલ-શર્કી કમર્શિયલમાં ઉપરા ઉપરી બે આત્મઘાતી હુમલા થયા હતા.

(6:17 pm IST)
  • દેશમાં કોરોના હાંફી ગયો :નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 13,692 કેસ નોંધાયા :કુલ કેસની સંખ્યા 1,06,25,420 થઇ :એક્ટિવ કેસ 1,86,558 થયા: વધુ 16,288 દર્દીઓ સ્વસ્થ થતા કુલ 1,02,81,391 થયા :વધુ 147 લોકોના મોત સાથે કુલ મૃત્યુઆંક 1,53,053 થયા access_time 1:02 am IST

  • શેલ્ટર હોમમાં ૩ મહિલાની લાજ લૂંટવામાં આવી: છત્તીસગઢમાં બિલાસપુરના એક શેલ્ટર હોમમાં ત્રણ મહિલાઓના યોન શોષણ નો મામલો બહાર આવ્યો છે એફઆઈઆર દાખલ કરવામાં આવી છે access_time 12:15 am IST

  • દેશમાં કોરોના થાક્યો:નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 14,246 કેસ નોંધાયા :કુલ કેસની સંખ્યા 1,06,40,669 થઇ :એક્ટિવ કેસ 1,82,891 થયા: વધુ 17,034 દર્દીઓ સ્વસ્થ થતા કુલ 1,02,99,931 થયા :વધુ 151 લોકોના મોત સાથે કુલ મૃત્યુઆંક 1,53,218 થયા access_time 1:07 am IST