Gujarati News

નવી દિલ્હી,તા. ૧૨: પેટ માણસને કંઈ પણ કરવા માટે મજબૂર કરે છે. ઇંગ્લેન્ડની એક મહિલાએ ઘર ચલાવવા અને તેના ચાર બાળકનું ભરણપોષણ કરવા માટે એવું કામ શરૂ કર્યું છે, જેનાથી તે મિનિટના પાંચ પાઉન્ટ એટલે કે ૫૦૦ રૂપિયાની કમાણી કરી લે છે. આ માટે મહિલાએ પોતાની જૂની નોકરી છોડી દીધી છે. ઇંગ્લેન્ડના યોર્ક શહેરમાં રહેતી ૩૨ વર્ષીય જેસિકા શો ને ચાર બાળકો છે. જેમાં બે છોકરા અને બે છોકરી છે. બાળકોની ઉંમર ચાર વર્ષથી ૧૫ વર્ષ છે. આ પહેલા જેસિકા બાર મેઇડ અને બાળકોની દેખરેખનું કામ કરતી હતી. પરંતુ તેનાથી તેણી એટલી કમાણી કરી શકતી ન હતી જેનાથી તે પોતાના ચારેય બાળકોનું ધ્યાન રાખી શકે. અનેક વખત એવું થતું હતું કે બાળકોને સાંજનું ભોજન પણ મળતું ન હતું. જેસિકા બાળકોને નવા કપડાં અને સારા રમકડાં પણ અપાવી શકતી ન હતી.

નવો આઇડિયા : ઇંગ્લેન્ડમાં કોરોના વાયરસને પગલે જયારે લોકડાઉન લાગ્યું ત્યારે જેસિકાને ઓનલાઇન ડેટિંગ અને વેબકેમ ફ્લર્ટિંગ વિશે માહિતી મળી હતી. જેસિકાએ આ અંગે ઇન્ટરનેટ પર સર્ચ કર્યું હતું અને જે બાદમાં વેબકેમના માધ્યમથી ઇન્ટરનેટ પર અજાણ્યા લોકો સાથે મજા કરાવતી વાતો કરવાની શરૂઆત કરી હતી. ધીમે ધીમે જેસિકા વધારે પૈસા કમાવી લાગી હતી.

જેસિકાએ એક મિનિટના પાંચ પાઉન્ડ એટલે કે ૫૦૦ રૂપિયા ફી લેવાનું શરૂ કર્યું હતું. તેણીએ મહિલાઓ અને પુરુષો સાથે કામુક વાતો કરવાની શરૂ કરી હતી. આ સાથે જ પરિણીત લોકો પણ તેણી સાથે જોડાવા લાગ્યા હતા. અનેક યુવાઓ પણ તેણીની સેવા સાથે જોડાયા છે. જે બાદમાં જેસિકાએ પોતાનું જૂનું કામ છોડી દીધું હતું. સારી કમાણી કરવાને કારણે તેણી પોતાના બાળકોનું પણ સારી રીતે ધ્યાન રાખવા લાગી હતી. તેમને ફરવા માટે બહાર લઈ જતી હતી અને સારી સારી ભેટ પણ આપતી હતી.

જેસિકાની કમાણીઃ જેસિકાએ એક ઇન્ટરવ્યૂમાં કહ્યું કે, હવે આ મારો વ્યવસાય બની ગયો છે. અનેક રાત એવી પણ હોય છે જયારે હું હજાર પાઉન્ડની કમાણી કરી લઉં છું. કયારેક તો હું એક રાતમાં પાંચ હજાર પાઉન્ડની કમાણી કરી લઉં છું. લોકો મારા વિશે કોઈ પણ અભિપ્રાય બાંધી શકે છે. હું આ કામ મારા પરિવાર માટે કરું છું. હું કંઈ જ ખોટું નથી કરી રહી. આ તમામ એક કોમ્પ્યુટર સ્ક્રિન સામે થાય છે, એ પણ ત્યારે જયારે મારા બાળકો ઊંદ્યી જાય છે.'

જેસિકાએ વધુમાં કહ્યું કે, 'હું મારા બાળકોને પહેલાથી સારી જિંદગી આપવા માટે આવું કરી રહી છું. હું બે નોકરી કરી રહી હતી છતાં મારા બાળકોનું સારી રીતે પાલન-પોષણ કરી શકતી ન હતી. હું સિંગલ પેરન્ટ હોવાથી બધું એકલા હાથે કરવું પડે છે.