News of Thursday, 8th March 2018

આ ભાઇ ચિપ્સ કે ફ્રેન્ચ ફ્રાઇઝ ખાય તો પણ દારૂ પીધા જેવા નશામાં આવી જાય

લંડન તા. ૮ : બ્રિટનમાં નિક હેસ નામના ભાઇને અજીબોગરીબ  બીમારી  છે.  તે દારૂ ન પીએ તો પણ તેને દારૂ જેવો નશો ચડી જાય છે. નિકને પાર્ટીમાં દારૂ પીવાની જરાય આદત ન હોવાથી તે માત્ર ચખના, પટેટો, ચિપ્સ કે ફ્રેન્ચ  ફ્રાઇઝ જ  ખાતો, એમ છતાં તેના લોહીમાં આલ્કોહોલની માત્રા સાત પેગ લગાવ્યા હોય એટલી થઇ જતી. નિકે  પોતે પણ ઓબ્ઝર્વ  કરેલું કે જયારે પણ તે બટાટામાંથી બનેલી ચીજો ખાતો ત્યારે તેને અચાનક નશો ચડી ગયો હોય એવું લાગતું. એ જ કારણોસર તેને સવારે ઊઠીને ઊલટી કરવી પડતી જેથી પેટમાં રહેલું બધંુ વોમિટમાં બહાર આવી જાય. શરૂઆતમાં તેને પોતાને ખબર નહોતી પડતી, પણ ડોકટરોએ ખાસ્સા અખતરા કરીને તારવ્યું કે નિકને ઓટો બ્રુઅરી સિન્ડ્રોમ છે. એને કારણે તે બટાટા કે અન્ય કોઇ પણ કાર્બોહાઇડ્રેટથી ભરપુર ખાવાનું ખાય તો શરીરમાં આપમેળે આલ્કોહોલ  બનવા લાગે છે. શરૂઆતમાં તો તેની પત્ નીને પણ વિશ્વાસ નહોતો પડતો. તેને લાગતું હતું કે નિક છૂપાઇને દારૂ પીએ છે અને પછી  ખોટંુ બોલે છે, જોકે ડોકટરોએ પ્રયોગ કર્યો એમાં નિકને ભરપેટ પટેટો ચિપ્સ ખવડાવ્યા પછી તેના લોહીમાં આલ્કોહોલનું પ્રમાણ માપ્યંુ તો ૧૦૦ મિલિલીટર લોહીમાં સાત પેગ પીધા પછી જેટલી દારૂની માત્રા હોય એ જોવા મળી હતી.

(3:50 pm IST)
  • રાષ્ટ્રપતિ રામનાથ કોવિંદ મોરિશ્યસ -માદાગાસ્કરની 11થી 15 માર્ચ દરમિયાન મુલાકાત લેશે access_time 12:04 am IST

  • આલેલે... : યુપીની 11 માર્ચે યોજાનાર પેટાચૂંટણીમાં પ્રધાનમંત્રી મોદી અને ક્રિકેટર વિરાટ કોહલી બન્યા મતદારો : ગોરખપુરના સહજનવાંમાં મતદાર યાદીમાં નીકળ્યા નામો : વહીવટી તંત્ર થયું ઉંધા માથે : આ ગડબડી સામે આવ્યા બાદ સ્થાનીક નેતાઓ અને અધિકારીમાં મચી અફરાતફરી : ચુંટણી પંચે શરૂ કરી તપાસ access_time 4:36 pm IST

  • વિડિયોકોન ગ્રુપના ચેરમેન વેણુગોપાલ ધૂત દેશ છોડીને ભાગી ગયા હોવાના રિપોર્ટ વહેતા થયા હતા, જો કે વેણુગોપાલે કહ્યું કે ‘આ માત્ર અફવા છે હું ભારતમાં જ છું અને દેશ છોડીને જવાનો મારો કોઇ ઇરાદો પણ નથી. હું અહ્યાં ખુશ છું અને છેલ્લા 5 વર્ષથી દેશની બહાર ગયો પણ નથી.’ ઉલ્લેખનીય છે કે વિડિયોકોન પર 20,000 કરોડનો કરજો છે. access_time 4:50 pm IST