જુહાપુરામાં કાળુ ગરદન ગેંગનો વિડિઓ વાયરલ ધાબા પર તલવાર સાથે ડાન્સ કરી રહ્યા છે યુવકો
સ્થાનિકોમાં પોતાનો ખૌફ જમાવવા અને ડરાવવા માટે કાલુ ગરદનની ગેંગએ વીડિયો વાયરલ કર્યો
અમદાવાદ : જુહાપુરાનો વીડિયો વાયરલ થયો છે, જેમાં કાલુ ગરદનની ગેંગનો કહેવાતો વીડિયો વાયરલ થયો છે. વીડિયોમાં ધાબા પર ડાન્સ કરી રહેલા ઈસમોના હાથમાં હથિયારો દેખાઈ રહ્યા છે
જુહાપુરામાં મિલ્કતોને લઈ પહેલાથી લોકોમાં ભારે ચિંતા જોવા મળી રહી છે. સુલતાન ગેંગ, કાલુ ગરદન ગેંગ , અમીન મારવાડી ગેંગ , અઝહર કેટલી ગેંગ અને નજીર વોરા ગેંગ સહિત અનેક ગેંગો સક્રિય છે. જેમાંથી ઘણી ગેંગના સભ્યો અને તેમના આકાઓ સામે પોલીસે સખ્ત કાર્યવાહી કરીને તેમને કાયદાનું ભાન પણ કરાવ્યું છે. જો કે, કેટલીક ગેંગના સભ્યો હજી પણ જુહાપુરામાં સક્રિય છે અને તેઓ છાશવારે જુહાપુરામાં અસામાજિક પ્રવુત્તિને અંજામ આપી રહ્યા છે
જો કે, થોડાક દિવસો પહોલા જ અમીન મારવાડી નામના શખ્સનો વીડિયો વાયરલ થયો હતો, જેમા અમીન મારવાડીએ હવામાં ફાયરિંગ કરી હતી અને તે પોતે ડોન હોવાની વાત કરી રહ્યો હતો. તેની સામે એક વેપારીને ધમકાવી 5 લાખની ખંડણી માંગવાનો કેસ પણ દાખલ થયો હતો. જેથઈ સરખેજ પોલીસે અમીન મારવાડી અને તેનો સાગરિત સમીર પેંદીની ધરપકડ કરી હતી
અમદાવાદ ના જુહાપુરા વિસ્તાર માં કાલુ ગરદન નામનો વ્યક્તિ અનેક વાર વિવાદોમાં આવી ચુક્યો છે, મારપીટ અને મડર જેવા કેસો તેના પર ચાલી રહ્યા છે. ત્યારે હવે કથીત રીતે કાલુ ગરદનની ગેંગનો જ કહેવાતો વીડિયો વાયરલ થયો છે. વીડિયોમાં હાથમાં હથિયારો લઈને ડાન્સ કરતા બે ઈસમો દેખાય રહ્યા છે . સ્થાનિકોમાં પોતાનો ખૌફ જમાવવા અને ડરાવવા માટે કાલુ ગરદનની ગેંગએ વીડિયો વાયરલ કર્યો હોવાનું સ્થાનિકો પાસેથી જાણવા મળી રહ્યું છે. કાલુ ગરદન અને તેની ગેંગનો જુહાપુરા વિસ્તારમાં સ્થાનિકોને હેરાન કરવામાં અને મારપીટ કરવામાં અનેક વાર વિવાદ ઉભો થયો છે