સુરતના ડિંડોલી રોડ નજીક બ્રિજ પાસે બાઈક સ્લીપ થઇ જતા ડિવાઇસર સાથે અથડાતા બે મિત્રો પૈકી એકનું મૃત્યુ
સુરત: શહેરના ડીંડોલી રોડ પર બ્રિજ પાસે બાઇક સ્લીપ થઈને ડિવાઈડર સાથે ભટકાતા સર્જાયેલા અકસ્માતમાં ઈજા પામેલા બે મિત્રો પૈકી એક યુવાનનું મોત નીપજ્યું હતું.
સ્મીમેર હોસ્પિટલથી મળેલી વિગત મુજબ ગોલવાડ ખાતે નવાપુરામાં વચલી શેરીમાં રહેતો 22 વર્ષીય પિયુષભાઈ નટવરભાઈ રાણા ગત તારીખ 22મી સાંજે તેના મિત્રો ભરત કુમાર કમલેશભાઈ રાણા (રહે બાલાજી કૃપા એપાર્ટમેન્ટ,સલાબતપુરા) સાથે મોટરસાયકલ પર ડીંડોલી ખાતે રહેતા તેના મિત્રને મળીને પરત આવવા નીકળ્યા હતા. તે સમયે ડિંડોલીના નવાગામ ઓવરબ્રિજ પાસે તેમની બાઇક સ્લીપ થઈને ડીવાઈડર સાથે અથડાઈ હતી. જેમાં બંને ઇન્ડિયા ખાતા સારવાર માટે ખાનગી હોસ્પિટલમાં ખસેડાયા હતા જ્યાં પિયુષનું મોત થયું હતું જ્યારે પિયુષ ડાયમંડ કંપનીમાં નોકરી કરતો હતો અને તેના મિત્રો પણ ડાયમંડની કંપનીમાં નોકરી કરે છે. આ અંગે ઉધના પોલીસે તપાસ આદરી છે.