વાઘોડિયા પોલીસનો સપાટો :હાલોલ-વડોદરા રોડ પરથી દારૂના જથ્થા સાથે ટ્રક ઝડપાઇ :ડ્રાયવર-ક્લીનર ફરાર : 12 લાખના દારૂ સહીત 22 લાખનો મુદામાલ કબ્જે
વડોદરા :હાલોલ-વડોદરા રોડ પર મછલીપુરા ગામની સીમમાં વાઘોડિયા પોલીસે વહેલી સવારે વોચ ગોઠવી એક ટ્રકને ઝડપી પાડી હતી. જો કે ટ્રકનો ચાલક અને ક્લિનર ફરાર થઇ ગયા હતાં. પોલીસે ટ્રકમાંથી 1224000 ની કિંમતના બીયરના ટીન, બે મોબાઇલફોન, ટ્રક મળી કુલ 22.26 લાખનો મુદ્દામાલ કબજે કર્યો હતો. બીયરનો જથ્થો વારસીયા વિસ્તારના નામચીન બુટલેગર અલ્પેશ ઉર્ફે અલ્પુ હરદાશમલ વાઘવાણીએ મંગાવ્યો હોવાનું બહાર આવતા પોલીસે ત્રણે સામે ગુનો દાખલ કરી ત્રણેની શોધખોળ હાથ ધરી છે.