હાઈકોર્ટે પત્નીના રેપના ગુનામાં પતિને થયેલી ૧૦ વર્ષની સજા રદ કરી

સગીરવયે પ્રેમસંબંધ બાદ પતિ-પત્ની તરીકે સાથે રહ્યા અને બે બાળકો પણ થઈ ગયાઃ વિચિત્ર કેસ હાઈકોર્ટ સમક્ષ આવતા પતિને મુકત કરવા આદેશ કરાયો

અમદાવાદ, તા.૧૦: ગુજરાત હાઈકોર્ટ સમક્ષ આવેલા એક વિચિત્ર કેસમાં ખંડપીઠે પત્નીના રેપના ગુનામાં પતિને થયેલી ૧૦ વર્ષની સજા રદ કરવાનો આદેશ કર્યો છે. આ કેસની હકીકત એવી છે કે, સગીરા જયારે ૧૬ વર્ષની હતી ત્યારે પોતાની દ્યરેથી ચાલી ગઈ હતી. ત્યારબાદ કપલ એક બીજા સાથે પતિ અને પત્નીની જેમ રહેતા હતા અને આજે તેમને બે બાળકો પણ છે. જો કે, આ દ્યટનામાં થયેલી પોલીસ ફરિયાદમાં નીચલી કોર્ટે સગીરાના પતિને જ તેની સાથે શારીરિક સંબંધ બાંધવા માટે રેપના ગુનામાં ૧૦ વર્ષની જેલની સજા ફટકારી હતી.

જેથી, સજાને રદ કરવા માટે પતિએ હાઈકોર્ટનો દરવાજો ખખડાવ્યો હતો. જેમાં સમગ્ર હકીકત સામે આવતા જસ્ટીસ પરેશ ઉપાધ્યાયે એવી ટકોર કરી હતી કે, અરજદાર પતિને સજા કરવામાં નીચલી કોર્ટથી કે સરકાર કોઈનાથી પણ ભૂલ થઈ નથી. પરંતુ હવે આ કેસમાં દીકરી કે તેના બાળકો શું વાંક, એટલે એના પતિને તો મુકત કરવો જ પડે.લૃ આ સાથે જ હાઈકોર્ટે આવી પણ ટકોર કરી હતી કે, આ કેસમાં સામે આવેલા પુરાવા અને દીકરીનું નિવેદન જોતા એવું જણાય છે કે, આ દીકરી સિસ્ટમના લીધે વિકિટમ (પીડિત) બની છે.

૧૬ વર્ષની દીકરી પોતાની મરજીથી દ્યરેથી જતી રહી હોય અને ત્યારબાદ યુવક સાથે લગ્નમાં બંધાઈ હોય અને પછી તેને બે બાળકો થઈ ગયા હોય અને હવે તેનો પતિ ૧૦ વર્ષ માટે જેલમાં જતો રહે. બે બાળકોને જન્મ આપનાર પિતા જેલમાં જશે એવા પ્રશ્નના ત્રીભેટે આવીને હાઈકોર્ટ ઉભી છે. તેથી અરજદાર પતિની સજા રદ કરવી જ રહી છે. જો કે, આવા કેટલો કેસો હશે જેથી, વિસ્તૃત મુદ્દા પૂરતું કેસની આગામી સુનાવણી ૧૩મી સપ્ટેમ્બરે રાખવામાં આવી છે.

ગુજરાત હાઈકોર્ટે આદેશમાં નોંધ્યું કે, આ કેસમાં અરજદારને ધારા ૩૭૬ હેઠળ ૧૦ વર્ષની સજા કરવામાં આવી છે, જયારે એ તથ્ય નિર્વિવાદ છે કે તેની પત્ની જયારે સગીર હતી ત્યારે પોતાની મરજીથી દ્યરેથી ચાલી ગઈ હતી અને ત્યારબાદ બંને પતિ-પત્નીની જેમ સાથે રહ્યા હતા અને હવે તેમને બે બાળકો પણ છે. જેથી આ સંજોગોમાં અરજદારને જેલમાં રાખવાની જરૂર ન જણાતા મુકત કરવામાં આવે.

. નીચલી કોર્ટ કે સરકારે કોઈ ભૂલ નથી કરી, પરંતુ આવી ભૂલો પર આપણે ચિંતન કરવું જ રહ્યું: નીચલી કોર્ટે અરજદારને પત્ની સાથે સંબંધ બાંધવા માટે રેપના ગુનામાં ૧૦ વર્ષ સજા ફટકારી હતી.

. આ કેસમાં દીકરી કે તે બાળકોનો શું વાંક, એટલા એના પતિને તો મુકત કરવો પડેઃ આવા બીજા કેસો હશે તે જાણવા વિસ્તૃત મુદ્દા પૂરતું આ કેસની સુનાવણી ૧૩મી સપ્ટેમ્બર કરાશે.