Gujarati News

Gujarati News

News of Friday, 30th October 2020

હોસ્પિ. સ્ટાફની માગ વધતા પગારમાં ૫૦ ટકાનો વધારો

કોરોના કાળ હેલ્થકેર ક્ષેત્રને ખુબજ ફળ્યો : હાલના સમયમાં મેડિકલ ક્ષેત્રમાં નોકરીઓ કપાવાનો દર શૂન્ય છે, નર્સિંગ, પેરામેડિકલ સ્ટાફની માગમાં ઊછાળો

અમદાવાદ,તા.૩૦ : કોરોના અને લોકડાઉનને કારણે એક તરફ ઘણા લોકોના નોકરી-ધંધા ચોપટ થઈ ગયા છે, ત્યારે બીજી તરફ હેલ્થકેર ક્ષેત્રમાં કાર્યરત લોકોના પગારમાં ૫૦ ટકા જેટલો વધારો થયો છે. એટલું નહીં, હોસ્પિટલોમાં મોટી માત્રામાં ભરતી પણ કરાઈ રહી છે. કોરોના કાળમાં મેડિકલ ક્ષેત્રમાં જોબ કટ લગભગ ઝીરો છે. પ્રાઈવેટ સેક્ટરમાં સમયમાં મોટાભાગના લોકોના પગાર કપાયા છે, ત્યારે મેડિકલ ક્ષેત્રમાં કામ કરતા લોકોને પગારમાં ક્યારેય ના મળ્યો હોય તેટલો ૫૦ ટકા જેવો જંગી વધારો મળ્યો છે. ક્ષેત્ર સાથે સંકળાયેલા લોકોનું કહેવું છે કે ક્રિટિકલ કેર, ઈન્ટરનલ મેડિસિન અને ફેફસાના નિષ્ણાંત ડૉક્ટરની માંગમાં મોટો વધારો થયો છે.

ઉપરાંત, નર્સિંગ અને પેરામેડિકલ સ્ટાફની શોર્ટ ટર્મ ડિમાન્ડ પણ વધી છે. શેલ્બી હોસ્પિટલ્સના ચીફ એચઆર ઓફિસર બાબુ થોમસ જણાવે છે કે, તેમની તેમજ અન્ય હોસ્પિટલોમાં કોવિડની કામગીરી સાથે સંકળાયેલા મેડિકલ સ્ટાફને હાલ ૧૫૦ ટકા સેલેરી મળી રહી છે. કોવિડ કેર પ્રોફેશનલ્સને કોરોનાની ડ્યૂટી વચ્ચે ક્વોરન્ટાઈન પિરિયડમાં કુલિંગ ઓફ ડેઝની પણ ચૂકવણી કરાય છે. જોકે, શરુઆતમાં ઘણા કર્મચારીઓ પરિવારનું દબાણ છે તેમ કહીને કોરોનાની હોસ્પિટલ આવવાનું ટાળતા હતા. તેવામાં તેમને સલામતી તેમજ જે જોઈએ તે સુવિધા મળી જશે તેવી ખાતરી કરાવવાનું કામ મુશ્કેલ હતું. એચસીજી હોસ્પિટલના સીઓઓ બ્રિજસિંહ ચૌધરીના જણાવ્યા અનુસાર, તેમની હોસ્પિટલમાં કોરોના વોર્ડ માટે ૩૦ લોકોને નોકકરી પર રખાયા છે, અને હોસ્પિટલના ૬૦ ટકા સ્ટાફને સામાન્ય કરતા ૫૦ ટકા વધુ પગાર ચૂકવાય છે.

(7:28 pm IST)
  • દેશમાં કોરોના કેસનો આંકડો 81 લાખને પાર પહોંચ્યો : જોકે નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,117 કેસ નોંધાયા:કુલ કેસનો આંકડો 81,36,166 થયો :એક્ટીવ કેસ ઘટીને 5,82,160 થયા:વધુ 59,005 દર્દીઓ સ્વસ્થ થતા કુલ 74,30,911 રિકવર થયા :વધુ 550 લોકોના મોત સાથે કુલ મૃત્યુઆંક 1,21,681 થયો access_time 1:04 am IST

  • દેશમાં કોરોનાના એક્ટીવ કેસનો આંકડો 6 લાખની અંદર સરક્યો : નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,692 કેસ નોંધાયા:કુલ કેસનો આંકડો 80, 87,976 થયો :એક્ટીવ કેસ ઘટીને 5,93,698 થયા:વધુ 57,709 દર્દીઓ સ્વસ્થ થતા કુલ 73, 71,748 રિકવર થયા :વધુ 561 લોકોના મોત સાથે કુલ મૃત્યુઆંક 1,21,130 થયો access_time 1:05 am IST

  • આતંકવાદ સામેની લડાઈમાં ભારત ફ્રાન્સની સાથે છે : ફ્રાન્સના ચર્ચ ઉપર થયેલા આતંકી હુમલા બાબતે વડાપ્રધાન શ્રી મોદીનો સ્પષ્ટ અભિપ્રાય : ચાકુથી કરાયેલા હુમલાથી માર્યા ગયેલા 3 લોકો પૈકી એક મહિલાનું માથું ધડથી અલગ કરી દેવાયું હતું : ફ્રાન્સમાં છેલ્લા 2 મહિનામાં સતત ત્રીજા હુમલાથી સમગ્ર વિશ્વમાં પ્રકોપ access_time 8:53 pm IST