Gujarati News

Gujarati News

News of Thursday, 29th October 2020

સુરતના અમરોલી વિસ્તારમાં રમતા રમતા અન્ડરગ્રાઉન્ડ ટાંકીમાં ફસાઈ જતા પુત્રીનું મૃત્યુ નિપજતા પરિવારની માથે આભ ફાટ્યું

સુરત: શહેરના અમરોલી વિસ્તારમાં બુધવારે સવારે મહિલા સફાઈ કામમાં વ્યસ્ત હતા ત્યારે તેમની પુત્રી રમતા રમતા પાણીની ટાંકીમાં પડી જતા મોતને ભેટી હતી.

સ્મીમેર હોસ્પિટલ અને પોલીસ સુત્રો પાસેથી મળેલી વિગત મુજબ અમરોલી વિસ્તારમાં સૃષ્ટિ સોસાયટીમાં રહેતા શરદભાઈ વઢેલ સાડા ત્રણ વર્ષીય પુત્રી ટીયા બુધવારે સવારે ઘરના દાદર પાસે આવેલી અન્ડરગ્રાઉન્ડ ટાંકી નજીકમાં રમતી હતી, જ્યારે તેની માતા દિવાળી સહિતના સફાઈ કામમાં વ્યસ્ત હતા, ત્યારે અચાનક બાળકી અંડરગ્રાઉન્ડ ટાંકીનુ ઢાંકણ ખુલ્લું હોવાથી ટાંકીમાં પડી ગઈ હતી. બાદમાં તેમની માતાને બાળકી દેખાઈ ન હતી. જેથી તે આમતેમ શોધવા ગયા હતા.

એટલું જ નહિ પણ આજુબાજુના લોકો પણ બાળકીને શોધવા લાગ્યા હતા. તે દરમિયાન અચાનક કોઈની નજર અંડરગ્રાઉન્ડ પાણીની ટાંકીના ખુલ્લા ઢાંકણ પર પડી હતી. જેથી તેણે ટાંકીમાં જોતા બાળકી મળી આવી હતી. જેથી બાળકીને બહાર કરી તરત સારવાર માટે સ્મીમેર હોસ્પિટલમાં ખસેડાઇ હતી, જ્યાં ફરજ પરના ડોક્ટરે તેને મૃત જાહેર કરી હતી.

(5:43 pm IST)
  • આતંકવાદ સામેની લડાઈમાં ભારત ફ્રાન્સની સાથે છે : ફ્રાન્સના ચર્ચ ઉપર થયેલા આતંકી હુમલા બાબતે વડાપ્રધાન શ્રી મોદીનો સ્પષ્ટ અભિપ્રાય : ચાકુથી કરાયેલા હુમલાથી માર્યા ગયેલા 3 લોકો પૈકી એક મહિલાનું માથું ધડથી અલગ કરી દેવાયું હતું : ફ્રાન્સમાં છેલ્લા 2 મહિનામાં સતત ત્રીજા હુમલાથી સમગ્ર વિશ્વમાં પ્રકોપ access_time 8:53 pm IST

  • અમિતભાઈ શાહે ફોન કરી કેશુભાઈ પરિવારજનોને સાંત્વના પાઠવી : કેન્દ્રીય ગૃહમંત્રી અમિતભાઈ શાહે કેશુભાઈ પટેલના પરિવારજનોને ફોન કરી શોક વ્યકત કરતાં કહ્યું કે કેશુભાઈએ તેનું સમગ્ર જીવન ગુજરાતની જનતાની સેવામાં સમર્પિત કર્યુ હતું. તેમના પરિવારજનોને સાંત્વના પાઠવું છું. access_time 4:01 pm IST

  • સૂર્યકુમાર અને બુમરાહને લીધે મુંબઇ પહોંચ્યુ પ્લે-ઓફમાં : ઓસ્ટ્રેલિયાના પ્રવાસમાં સ્થાન ન આપીને પસંદગીકારોએ ભુલ કરી હોવાનો મુંબઇના બેટસમેન કરાવ્યો અહેસાસ, બેન્ગલોરને પાંચ વિકેટથી કર્યુ પરાજિત access_time 2:41 pm IST