Gujarati News

Gujarati News

News of Thursday, 29th October 2020

૧૨ દિ'માં ૧૩.૫૦ લાખ ખેડૂતોને રૂ ૧૦૦૦ કરોડ ચૂકવાયા

અતિવૃષ્ટિ સહાય માટે ૩૭૦૦ કરોડનું પેકેજ જાહેર કરાયેલ છે : ૧૮ લાખ અરજીઓ આવી

રાજકોટ,તા. ૨૯: મુખ્યમંત્રી શ્રી વિજયભાઇ રૃપાણીએ ચોમાસાના ઉતરાર્ધમાં ભારે વરસાદના કારણે ૧૨૩ તાલુકાઓમાં ખેતીને થયેલ નુકશાનીના વળતર પેટે રૂ ૩૭૦૦ કરોડનું પેકેજ જાહેર કરેલ. કૃષિ વિભાગના સચિવ મનીષ ભારદ્વાજના માર્ગદર્શન હેઠળ પબ્લિક ફંડ મેનેજમેન્ટ સિસ્ટમથી ખેડૂતોના ખાતામાં અભૂતપૂર્વ ઝડપે નાણા જમા કરવામાં આવી રહ્યા છે.

સરકારે ૨૭ લાખ ખેડૂતો લાભાર્થી બનવાના અનુમાન મુજબ રૂ ૩૭૦૦ કરોડનું પેકેજ બનાવેલ ગઇ કાલે રાત સુધીમાં ૧૮ લાખ જેટલી ઓનલાઇન અરજીઓ આવેલ. હજુ છેલ્લી તા. ૩૧ સુધીમાં વધુ પચાસેક હજાર અરજીઓ આવવાની ધારણા છે. પહેલા નોરતાથી ગઇ કાલ રાત સુધીમાં ૧૩.૫૦ લાખ ખેડૂતોને રૂ ૧૦૦૦ કરોડ જેટલી સહાય ચુકવાઇ ગઇ છે. હજુ બીજા ૨૦૦ થી ૫૦૦ કરોડ ચૂકવવાના થાય તેવો અંદાજ છે. કુલ પેકેજ ૧૫૦૦ કરોડ આસપાસ પૂર્ણ થાય તેવી ધારણા છે. લાભાર્થી પ્રત્યેક ખેડૂતોના ખાતામાં નુકશાનીના વિસ્તાર મુજબ રૂ ૫ થી ૨૦ હજાર મળવાપાત્ર છે. ૧૨ દિવસ જેટલા ટુંકા ગાળામાં રૂ ૧૦૦૦ કરોડ ખેડૂતોના ખાતામાં જમા કરાયા હોય તેવું ગુજરાતમાં પ્રથમ વખત બન્યું છે.

(12:05 pm IST)
  • દેશમાં કોરોનાના એક્ટીવ કેસનો આંકડો 6 લાખની અંદર સરક્યો : નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,692 કેસ નોંધાયા:કુલ કેસનો આંકડો 80, 87,976 થયો :એક્ટીવ કેસ ઘટીને 5,93,698 થયા:વધુ 57,709 દર્દીઓ સ્વસ્થ થતા કુલ 73, 71,748 રિકવર થયા :વધુ 561 લોકોના મોત સાથે કુલ મૃત્યુઆંક 1,21,130 થયો access_time 1:05 am IST

  • ' તારક મહેતાકા ઉલ્ટા ચશ્મા ' ટોપ 5 ની રેસમાંથી બહાર :' સાથ નિભાના સાથિયા 2 ' ની ધમાકેદાર એન્ટ્રી : પ્રીમિયર એપિસોડથી જ ટોપ 5 માં સ્થાન મેળવી લીધું : ' છોટી સરદારની ' પણ ટોપ 5 માંથી બહાર : ' ગૂમ હૈ કિસીકે પ્યારમેં ' ની ટોપ 5 માં એન્ટ્રી : 17 થી 23 ઓક્ટોબર સુધીની છેલ્લી ટીઆરપી access_time 6:15 pm IST

  • ગુજરાત પ્રદેશ કોંગ્રેસ કાર્યકારી પ્રમુખ હાર્દિક પટેલ ચૂંટણી પ્રચારમાંથી ગાંધીનગર આવવા રવાનાઃ ૩.૩૦ વાગ્યે ગાંધીનગર પહોંચી પૂર્વ મુખ્યમંત્રી શ્રી કેશુભાઇ પટેલના નિવાસસ્થાને જઇ શ્રધ્ધાંજલી પાઠવશે access_time 3:21 pm IST