Gujarati News

સુરતઃ સુરત શહેરના પાંડેસરા વિસ્તારના વડોદ ગામમાં ગેસ ગૂંગળામણથી એક પરિવાર બેભાન થયાની ઘટના સામે આવી છે. રોજ વહેલી સવારે ઘરકામ કરતી મહિલાએ દરવાજો ના ખોલતા પોડોશીને કાંઈક અજૂગતું બન્યાની શંકા જતા પાડોશીએ દરવાજો તોડીને ઘરની અંદર ગયાં હતાં. ત્યારે પરિવારના તમામ સભ્યો જમીન પર બેભાન અવસ્થામાં મળ્યાં હતાં. પાડોશીઓએ તાત્કાલીક ધોરણે 108 બોલાવીને પરિવારના તમામ સભ્યોને હોસ્પિટલમાં ખસેડવામાં આવ્યાં હતાં. જેમાં ડોક્ટરે તપાસ દરમિયાન 14 વર્ષની બાળકીને મૃત જાહેર કરવામાં આવી છે. જ્યારે ત્રણ બાળકો અને મહિલા હાલમાં હોસ્પિટલમાં સારવાર હેઠળ રાખવામાં આવ્યાં છે.