Gujarati News

Gujarati News

News of Wednesday, 27th January 2021

ટ્રકની અડફેટે બાઈક પર જતા દંપતી, બાળકનું મોત

વડોદરાની કમકમાટીપૂર્ણ ઘટના :જાંબુઆ બ્રિજ પાસેની ઘટનામાં ઈજાગ્રસ્ત ત્રણ બાળકોને હોસ્પિટલમાં ખસેડવામાં આવ્યા, ટ્રક ચાલક ભાગી ગયો

વડોદરા, તા. ૨૭ : વડોદરા શહેરના બાયપાસ હાઈવે પર જાંબુઆ બ્રિજ પાસે એક ટ્રક ચાલકે બાઈક સવાર દંપતી અને બાળકોને અડફેટે લેતા દંપતી અને એક બાળકનું ઘટનાસ્થળે જ મોત નીપજ્યું હતું. જયારે ત્રણ બાળકો ઈજાગ્રસ્ત થતા સારવાર અર્થે સયાજી હોસ્પિટલમાં ખસેડવામાં આવ્યા હતા અને ટ્રક ચાલક ભાગી રહેલો સીસીટીવીમાં દેખાયો હતો.

વડોદરા શહેરના મકરપુરા પોલીસ મથકની હદમાં જાંબુઆ બ્રિજ પર છાશવારે અકસ્માતો થતાં હોય છે. જેમાં આજે મૂળ મુઝાર ગામડીના રહેવાસી નઝીર ભલાવત અને તેઓની પત્ની બાઇક પર તેઓના ૪ બાળકો સાથે ગોરીયાદ ગામે પ્રસંગ પતાવી પોતાના ગામ તરફ જતા હતા. તે દરમિયાન ટ્રક ચાલકે તેમની બાઈકને અડફેટે લેતા નઝીર ભલાવત, તેમના પત્ની અને ૩ વર્ષના બાળકનું ઘટના સ્થળે જ મોત નીપજ્યું હતું. જયારે ત્રણ બાળકો ગંભીર રીતે ઈજાગ્રસ્ત થયા હતા. ટ્રક ચાલક અકસ્માત કરી પુરપાટ ઝડપે ટ્રક દોડાવીને ભાગી ગયો હતો. અને વરણામાં નજીકની ગુરુનાનક હોટલ પર ટ્રક છોડી અને ટ્રક ચાલક તેમજ ક્લીનર પલાયન થઇ ગયા હતા. આ સમગ્ર ઘટના સીસીટીવીમાં કેદ થઇ ગઇ હતી. પોલીસે ઘટના સ્થળે પહોંચીને અકસ્માત કરનાર ટ્રકને કબજે લઈને મૃતદેહોને પોસ્ટમોર્ટમ અર્થે ખસેડ્યા હતા. જ્યાં ઈજ્ગ્રસ્ત ત્રણ બાળકોને ૧૦૮ એમ્બ્યુલન્સ મારફતે શહેરની સયાજી હોસ્પીટલમાં સારવાર અર્થે ખસેડવામાં આવ્યા હતા.

(9:16 pm IST)
  • કિસાનોની ટ્રેકટર પરેડ રેલી અંગે એકશન શરૃઃ હિંસાની રર એફઆઇઆર નોંધાઇ : દિલ્હીમાં ગઇકાલે થયેલી હિંસા મામલે હવે પગલા શરૂ થયા છે. અત્યાર સુધીમાં રર એફઆઇઆર નોંધવામાં આવી છે. વિડીયો સીસીટીવી ફુટેજ જોઇને ઉપદ્રવીઓની ઓળખ થઇ રહી છે. સ્પેશ્યલ સેલ ક્રાઇમ બ્રાંચ એકશન મોડમાં access_time 11:47 am IST

  • ખેડૂત નેતા શિવકુમાર કક્કાએ ટ્રેક્ટર પરેડ દરમિયાન થયેલા હોબાળો માટે માફી માંગી : તેમણે કહ્યું કે હિંસાના ગુનેગારો સંયુક્ત ખેડૂત મોરચાના ભાગ નથી. શિવકુમાર કક્કા એક ખાનગી ચેનલ સાથે વાત કરી રહ્યા હતા. access_time 7:57 pm IST

  • ફેસબુક વાપરતા ૬૦ લાખ ભારતીયોના ફોન નંબર વેચવા મુકાયા મોટો ખળભળાટ: ફેસબુકનો ઉપયોગ કરી રહેલા ૬૦ લાખ જેટલા ભારતીય લોકોના ફોન નંબર ટેલિગ્રામ ઉપર વેચવા માટે મૂકવામાં આવ્યા છે access_time 8:07 pm IST