Gujarati News

Gujarati News

News of Wednesday, 27th January 2021

સુરત : દરિયા કિનારે બીચ પર હોમગાર્ડસ જવાનોની દારૂ પાર્ટી

દારૂબંધીના લીરેલીરા ઊડાડતા હોમગાર્ડ જવાનો : ૨૬મી જાન્યુઆરી ગણતંત્ર દિને ધોળા દિવસે પાર્ટી કરતા જવાનોએ માથા પર દારૂની બોટલો મૂકી ડાન્સ પણ કર્યો

સુરત, તા. ૨૭ : ગુજરાતમાં કહેવાતી દારૂબંધીના લીરેલીરાંની એક ચોંકાવનારી ઘટના સુરતમાંથી સામે આવી છે. સુરતના ડભારી દરિયાકિનારે હોમગાર્ડના જવાનો દ્વારા ધોળા દિવસે ખુલ્લેઆમ બીચ પર બેસીને દારૂ પાર્ટી કરવામાં આવી હતી. એટલું જ નહીં નશામાં ભાન ભૂલેલાં આ જવાનોએ માથે દારૂની બોટલો મૂકીને ડાન્સ પણ કર્યો હતો. જેનો વીડિયો સોશિયલ મીડિયામાં વાઈરલ થયો છે.

૨૬મી જાન્યુઆરીએ જ્યાં સમગ્ર દેશમાં ગણતંત્ર દિવસની ઉજવણી થઈ રહી હતી. તેવામાં સુરતના અમુક હોમગાર્ડ જવાન અલગ જ પ્રકારની ઉજવણી કરતાં હતા. સુરતના ઓલપાડના દભારી દરિયાકિનારે હોમગાર્ડના જવાનો દ્વારા દારૂ પાર્ટી કરવામાં આવી હતી. અને માથે બોટલો મૂકી સરેઆમ ડાન્સ પણ કર્યો હતો. જાણે કે પોલીસ કે કાયદાનો કોઈ ડર જ ન હોય તે રીતે ખુલ્લેઆમ દારૂ પાર્ટીની મોજ ચાલી રહી હતી. આ પાર્ટીમાં હોમગાર્ડના સાયણ યુનિટનો ઈન્ચાર્જ કમાન્ડિંગ પણ સામેલ હતો.

દારૂ પાર્ટીનો આ વીડિયો સોશિયલ મીડિયામાં વાઈરલ થઈ ગયો હતો. અને વીડિયો વાઈરલ થતાં જ પોલીસ બેડામાં ખળભળાટ મચી જવા પામ્યો હતો. સુરત જિલ્લાના હોમગાર્ડના અદધિકારીઓ દ્વારા પણ આ મામલે હવે કાર્યવાહી કરવામાં આવશે તેવું જણાવવામાં આવ્યું છે. રાજ્યમાં આમ તો સરકાર અને પોલીસ દ્વારા દારૂબંધીની મસમોટી જાહેરાતો કરવામાં આવે છે. પણ આ જ લોકો દ્વારા સૌથી વધારે દારૂબંધીના લીરેલીરાં ઉડતાં હોય છે. રાજ્યમાં એકપણ ખૂણો એવો નહીં હોય કે જ્યાં દારૂ ન મળતો હોય. દારૂના સ્ટેન્ડ ચલાવવા માટે બુટલેગરો પોલીસને બેફામ પૈસા આપે છે. તેવામાં રાજ્યમાં કહેવાતી દારૂબંધીનો અમલ હાંસીપાત્ર જણાઈ આવે છે.

(7:52 pm IST)
  • લખનૌના દારુલ ઉલુમ ફિરંગી મહેલમાં 72 મો પ્રજાસત્તાક દિવસ ઉજવાયો : ભારતના રાષ્ટ્રગીત સાથે ત્રિરંગો લહેરાયો : મુસ્લિમ ધર્મગુરુ મૌલાના ખાલિદ રસીદ ફિરંગીએ ધ્વજ વંદન કરાવ્યું : દેશના વિકાસમાં મદ્રેસાઓનું મહત્વનું યોગદાન હોવાનું જણાવ્યું access_time 6:59 pm IST

  • સુબ્રમણ્યમ સ્વામીના એક ટવીટે ખળભળાટ સર્જયો : ભાજપના સાંસદ શ્રી સુબ્રમણ્યમ સ્વામીએ તેના ટવીટર હેન્ડલ @swamy39 ઉપર ટવીટ કયુ છે આ ટવીટે ખળભળાટ મચાવ્યો છે. હજારો લાઇક અને રીટવીટ થઇ રહયા છે. ‘પીએમઓ’માં ઉચ્ચ સ્થાને બીરાજતા લોકોની નજીક રહેલ ભાજપના સભ્યએ લાલ કિલ્લાના ડ્રામામાં ઉશ્કેરણી સર્જનાર એજન્ટ તરીકે ભાગ ભજવ્યાની ભારે ચર્ચા છે, જે ‘‘ફેઇક પણ હોઇ શકે છે અથવા દુશ્મનોની ફેઇક આઇડી પણ હોઇ શકે છે. આ ચેક કરવા અને જણાવવા અપીલ કરું છું’’ access_time 12:30 pm IST

  • આજે વિજયભાઇ રૂપાણીની અધ્યક્ષતામાં કેબિનેટ બેઠકઃ સ્થાનિક સ્વરાજની ચૂંટણીની તૈયારીઓ અંગે ચર્ચા કરશે, ધોરણ ૯ અને ૧૧ ની સ્કૂલો શરૂ કરવા અંગે પણ ચર્ચા થશેઃ ૪ મહાનગરોમાં કર્ફયુ અંગે પણ નિર્ણય લેવાઇ શકે છે access_time 11:20 am IST