Gujarati News

(વંદના નીલકંઠ વાસુકિયા દ્વારા) વિરમગામ : ગુરૂવારે વિરમગામ ખાતે એસ.ડી.એમ સુરભી ગૌતમ (આઇ.એ.એસ)ની ઉપસ્થિતમાં ધી ન્યુ વિરમગામ તાલુકા સહકારી ખરીદ વેચાણ સંઘ લી ના ચેરમેન તરીકે નવદિપસિંહ ડોડીયાની નિમણુક કરવામાં આવી હતી.

  અત્રે ઉલ્લેખનીય છે કે, તાજેતરમાં ધી ન્યુ વિરમગામ તાલુકા સહકારી ખરીદ-વેચાણ સંઘ લી. ની ચુંટણી તાજેતરમાં યોજાઇ હતી. જેમાં ખેતી વિભાગ નં ૮ સભ્યો, સંયોજિત ખેતી સિવાયની મંડળીના ૪ તેમજ વ્યક્તિગત સભ્યો ૩ બિનહરીફ જાહેર કરવામાં આવ્યા છે. જેમાં અમદાવાદ જીલ્લા ભાજપ મહામંત્રી નવદીપસિંહ ડોડીયા તેમની પેનલના સભ્યો બિનહરીફ વિજેતા જાહેર કરવામાં આવ્યા હતા.