Gujarati News

Gujarati News

News of Tuesday, 26th January 2021

મહાનગરોની ચૂંટણીના ઉમેદવારો કોણ ?: પસંદગી માટે ભાજપ પાર્લામેન્ટરીની 29મીથી ત્રણ દિ' બેઠક

સેન્સના આધારે નિરીક્ષકો દ્વારા પ્રદેશ નેતાગીરીને રિપોર્ટ સોંપવાનું શરૂ કરી દીધું

અમદાવાદ : આગામી તા. 21મી ફ્રેબુઆરીના રોજ રાજયના છ મહાનગરપાલિકાઓ અમદાવાદ, વડોદરા, રાજકોટ, સુરત, ભાવનગર અને જામનગરની ચૂંટણીનું મતદાન થશે. આ ચૂંટણીમાં ઉમેદવારી પત્રો ભરવાની છેલ્લી તારીખ 6ઠ્ઠી ફ્રેબુઆરી છે. આ ચૂંટણીને લઇને ભાજપમાં ઉમેદવારોની પસંદગી માટેની પ્રક્રિયા હાથ ધરવામાં આવી હતી. 24 અને 25મી જાન્યુઆરીના રોજ નિરીક્ષકો દ્વારા કાર્યકર્તાઓને સાંભળીને સેન્સ લેવામાં આવી હતી. આ સેન્સના આધારે નિરીક્ષકો દ્વારા પ્રદેશ નેતાગીરીને રિપોર્ટ સોંપવાનું શરૂ કરી દીધું છે. આવતીકાલ 27મી જાન્યુઆરી સુધીમાં તમામ મહાનગરપાલિકાઓના નિરીક્ષકો દ્વારા પોતાના રિપોર્ટ રજૂ કરી દેવામાં આવશે. બાદમાં કઇ મહાનગરપાલિકાના કયા વોર્ડમાં કેટલાં ઉમેદવારોએ દાવેદારી કરી છે તેનો આંકડો સ્પષ્ટ થશે

આ રિપોર્ટના આધારે આગામી તા. 29,30 અને 31મી જાન્યુઆરીના રોજ ભાજપની પાર્લામેન્ટરીની બેઠક યોજાશે. આ બેઠકોમાં વોર્ડ દીઠ ઉમેદવારોની પેનલો તૈયાર કરવામાં આવશે. આ પ્રક્રિયાને લઇને ભાજપ પક્ષની ઓફીસમાં કાર્યકર્તાઓની અવરજવર વધી જતાં ધમધમાટ શરૂ થઇ ગયો છે

અમદાવાદ શહેરમાં સાતેક વિધાનસભાના પેજ પ્રમુખનું કાર્ડ વિતરણ કાર્ય પુર્ણ થઇ ગયું છે. બાકી રહેલાં વટવા તથા અમરાઇવાડી વિધાનસભા મતવિસ્તારના પેજપ્રમુખોને કાર્ડ વિતરણ આવતીકાલે તા. 27મી જાન્યુઆરીના રોજ પ્રદેશ અધ્યક્ષ સી.આર. પાટીલની ઉપસ્થિતિમાં કરવામાં આવશે

(11:49 pm IST)
  • ચૂંટણીના કારણે બીએ, બી.કોમ.ની પરીક્ષાઓ મુલતવી રહેલ છે : ચૂંટણીના કારણે બીએ, બી.કોમ.ની પરીક્ષાઓ મુલતવી રહેલ છે ૨૫ ફેબ્રુઆરીથી બીએ, બી.કોમ.ના ૩૨૦૦૦ સહિત કુલ ૫૦ હજાર વિદ્યાર્થીઓની પરીક્ષા લેવાની હતી, હવે આ પરીક્ષા માર્ચમાં લેવાશે. પરીક્ષા સેન્ટર અને અધ્યાપકોને ચૂંટણી કામગીરી સોંપવાની હોવાથી આ પગલું ભરાયું છે access_time 10:52 am IST

  • 17 હજાર ફૂટ ઊંચે આવેલી ઈન્ડો તિબેટ બોર્ડર ઉપર જવાનોએ ત્રિરંગો લહેરાવ્યો : માઇન્સ 25 ડિગ્રી તાપમાન વચ્ચે ઉમંગભેર 72 મા પ્રજાસત્તાક પર્વની ઉજવણી કરી : જયભારત...... access_time 12:34 pm IST

  • ખેડૂતોની ટ્રેક્ટર રેલી પૂર્વે દિલ્હીમાં રાતોરાત સડક ઉપર દિવાલ ઊભી કરી દેવામાં આવી છે કરનાલ બાયપાશ ઉપર વાહનોને દિલ્હીમાં પ્રવેશતાં રોકવા માટે કામચલાવ દિવાલ ઉભી કરવામાં આવી છે. લોકોને ટ્રેક્ટર પરેડના રૂટ આસપાસથી પસાર નહીં થવા કહેવાયું છે. ખેડૂત આગેવાનો ટ્રેક્ટર પરેડ યુપી ગેટથી અક્ષરધામ મંદિર સુધી લઇ જવા માટે મક્કમ છે. સતત અવરોધ મડાગાંઠ સર્જાવાને કારણે દિલ્હી પોલીસે યુપી ગેટ બોર્ડર ઉપર દિલ્હી તરફથી આવનારા રસ્તાને બંધ કરી દીધેલ છે. ટ્રેક્ટર રેલી સિંધુ બોર્ડર, ગાજીપુર બોર્ડર અને ટીકરી બોર્ડરથી નીકળવાની તૈયારીમાં છે. સમગ્ર દેશની નજર આજની ટ્રેક્ટર રેલી ઉપર મંડાઈ છે. access_time 10:29 am IST