Gujarati News

Gujarati News

News of Wednesday, 25th November 2020

યુવકે ૧૨ વર્ષીય પિતરાઈ પર દુષ્કર્મ કરી ગર્ભવતી બનાવી

નવસારીમાં સબંધોને લજવતી ચકચારી ઘટના : ખેરગામ તાલુકાના બહેજ ગામના યુવકની ધરપકડ કરાઈ

નવસારી, તા. ૨૫ : નવસારીમાં સંબંધોને શર્મશાર કરતી ઘટના સામે આવી છે. ૨૨ વર્ષીય યુવકે કાકાની દીકરી સાથે દુષ્કર્મ આચર્યું હોવાની ઘટના સામે આવી છે. ૧૨ વર્ષની કિશોરી પર અવાર નવાર દુષ્કર્મ આચરવામાં આવતું હતું. જે બાદ કિશોરી ગર્ભવતી થતા સમગ્ર મામલો સામે આવ્યો છે. મામલે પોલીસે આરોપીને ઝડપી કાર્યવાહી હાથ ધરી છે.

નવસારી જિલ્લામાં ફરી સંબંધોને શર્મસાર કરતી ઘટના સામે આવી છે. ખેરગામ તાલુકાના બહેજ ગામે રહેતા ૨૨ વર્ષિય યુવકે પોતાના સગા કાકાની દીકરીને હવસનો શિકાર બનાવી છે. ૧૨ વર્ષની બાળા ઉપર ત્રણ માસથી અવાર નવાર શારીરિક સંબંધ બાંધતા બાળા ગર્ભવતી બની હતી. જે બાદ સમગ્ર ઘટના સામે આવી હતી. મામલે ખેરગામ પોલીસે આરોપીની ધરપકડ કરી પોસ્કો કલમ હેઠળ ગુનો દાખલ કરી વધુ તપાસ હાથ ધરી છે. આરોપીનું નામ રોહન ગાવીત છે. ખેરગામ તાલુકામાં છેલ્લા ત્રણ માસમાં માસૂમ દીકરીઓ ઉપર દુષ્કર્મની ઘટનાઓ વધી છે. ક્યા સુધી રીતે દીકરીઓની સાથે દુષ્કર્મ થતું રહેશે? શું પોલીસ આરોપીઓ પર કોઇ કાર્યવાહી કરશે? ક્યા સુધી દીકરીઓ રીતે ચૂંથાતી રહેશે?

(8:52 pm IST)
  • પુતિન હજુ પણ બાયડનને અભિનંદન આપતા નથી : રશિયાના રાષ્ટ્રપતિ પુતિનને જયારે જો બિડેનને અભિનંદન આપી રહેલા વિશ્વ નેતાઓ વિશે પૂછવામાં આવ્યું, તો તેમણે : કહ્યું કે, "આ તેઓએ જોવાનું છે." પુટીને સત્તાવાર જાહેરાત ન થાય ત્યાં સુધી બાયડનને પ્રમુખ તરીકે અભિનંદન આપવાનો ઇન્કાર કર્યો છે. access_time 9:52 pm IST

  • ચંદ્રની ભૂમિ ઉપરથી પથ્થરો લાવવાનું ચીનનું અભિયાન શરૂ : ચીને ચંદ્ર ઉપરથી પથ્થરો પૃથ્વી ઉપર પરત લાવવા માટેનું પોતાનું પહેલું મિશન સફળતાપૂર્વક શરૂ કર્યું છે. access_time 9:53 pm IST

  • તામિલનાડુઃ વાવાઝોડા પૂર્વે રાજયમાં ભારે વરસાદઃ ટ્રેનો-ફલાઇટ કેન્સલ : ચેન્નાઇઃ તામિલનાડુ અને પોંડીચેરીમાં ચક્રવાતી વાવાઝોડુ નિવાર ત્રાટકે તે પૂર્વે રાજયમાં ભારે વરસાદ પડી રહ્યો છે. દરીયામાં ઉંચી લહેર ઉઠી રહી છે. વાવાઝોડુ ૧ર૦ થી ૧૩૦ કિ.મી.ની ઝડપે ફુંકાય તેવી શકયતા છે. અનેક ફલાઇટો રદ કરી દેવાઇ છેઃ ટ્રેનો પણ કેન્સલ કરાઇ છેઃ વાવાઝોડાને નીપટવા તંત્ર સજ્જ છે access_time 3:20 pm IST