Gujarati News

Gujarati News

News of Sunday, 25th February 2018

અમદાવાદમાં ફરીવાર નકલી પોલીસે તરખાટ મચાવ્યો :67 વર્ષીય વૃદ્ધાના 2,50 લાખના દાગીના લઈને ફરાર

સેટેલાઇટ વિસ્તારમાં વૃદ્ધાને રોકીને આગળ ચોરી-લૂંટ થયાની સ્ટોરી ઘડીને દાગીના રૂમાલમાં મુકાવી કળા કરી ગયા

અમદાવાદમાં ફરીવાર નકલી પોલીસે તરખાટ મચાવ્યો :67 વર્ષીય વૃદ્ધાના 2,50 લાખના દાગીના લઈને ફરાર

અમદાવાદ:અમદાવાદમાં ફરીવાર નકલી પોલીસે કળા કરી છે અને એક વૃદ્ધાના 2,50 લાખની કિંમતના દાગીના લઈને ફરાર થઇ ગયા છે નકલી પોલીસે સેટેલાઇટ વિસ્તાર એક 67 વર્ષીય મહિલાને રોકી આગળ ચોરી લૂંટ થઈ છે તેમ કહી તેના દાગીના રૂમાલમાં બાંધવાના બહાને રૂપિયા 2.50 લાખની કિંમતના દાગીનાની ચોરી હોવાની ઘટના સેટેલાઇટ પોલીસ સ્ટેશનમાં નોંધાઈ છે છે.

  ફરિયાદની વિગત મુજબ ગુલબાઈ ટેકરા આતિથ્ય ફ્લેટ માં 67 વર્ષના વિભાબેન ચોકસી તેના દીકરા અને વહુ સાથે રહે છે શનિવારે સવારે 9 વાગે વિભાબેન અને તેમનો દીકરો દિગંત કારમાં વિભાબેનના બહેન કોકિલાબેન ઘરે મયુર પંખ સોસાયટી માં ગયા હતા. જ્યાં તેમનો દીકરો તેમને સોસાયટી પાસે ઉતારીને નીકળી ગયો હતો અને વિભાવેન ચાલતા ચાલતા તેમની. બહેનના ઘરે જતા હતા ત્યારે બે યુવકો એ રોક્યા હતા અને કહ્યું હતું કે હમણાં લૂંટ અને ખૂનના બનાવ વધી ગયા છે. અને તમે આ રીતે જાહેરમાં દાગીના પહેરી ને કેમ જાવ છો. તમે તમારા દાગીના ઉતારી આ રુમાલ માં બાંધી દો . ત્યારબાદ વિભાબેન ગભરાઈ ગયા હતા અને તેમણે તેમની વીંટી, બંગડી અને બીજા દાગીના મળી કુલ 2.50લાખ રૂપિયા ની મતા રૂમાલ માં મૂકી હતી. અને પોલીસે સૂચના આપી હતી કે હવે ધ્યાન રાખજો. પણ બહેનના ઘરે પહોંચ્યા ત્યારે ખબર પડી કે રૂમાલમાં દાગીના હતા જ નહીં. જેથી તે બહાર હતા પણ ત્યાં સુધીમાં નકલી પોલીસ નાસી ચુક્યા હતાં આ અંગે સેટેલાઇટ પોલીસે છેતરપિંડી અને ચોરીનો ગુનો નોંધી તપાસ શરૂ કરી છે.

ઉલ્લેખનીય છે કે શુક્રવારે પણ પાલડી માં નકલી પોલીસે એક મહિલાને ટાર્ગેટ કરી દાગીનાની ચોરી હતી.

(9:26 pm IST)
  • કેન્દ્રીય માનવ સંશાધન વિકાસમંત્રી પ્રકાશ જાવડેકરે શાળાના બાળકોને રાહત આપતા જણાવ્યુ છે કે, ૨૦૧૯ના શૈક્ષણિક વર્ષથી એનસીઈઆરટીના અભ્યાસક્રમમાં ૫૦ ટકા સુધીનો ઘટાડો કરવામાં આવશે. તેમણે જણાવ્યુ હતું કે અત્યારે શાળાઓનો અભ્યાસક્રમ બીએ અને બીકોમ કરતા પણ વધુ છે. જેના કારણે વિદ્યાર્થીઓ પર દબાણ સર્જાય છે. જેથી અમે આ અભ્યાસક્રમમાં ૫૦ ટકા સુધીનો ઘટાડો કરીશું, જેથી વિદ્યાર્થીઓને પોતાના સર્વાંગી વિકાસ માટે સમય મળી રહે. access_time 10:47 am IST

  • ગોવાના મુખ્યમંત્રી મનોહર પર્રિકરને ફરી એકવાર ગોવા મેડિકલ કોલેજ હોસ્પિટલમાં ભરતી કરવામાં આવ્યા છે. કહેવામાં આવી રહ્યું છે કે, ડિહાઈડ્રેશન અને બ્લડ પ્રેશરની ફરિયાદને લીધે તેમને હોસ્પિટલમાં દાખલ કરાયા છે. ઉલ્લેખનીય છે કે, તેઓ ગુરુવારે જ મુંબઈથી સારવાર લઈને ગોવા ગયા હતા. access_time 1:15 am IST

  • સાઉથ આફ્રિકા સાથેની ત્રીજી ટી 20 મેચ પછી આઈસીસી ભારતીય ક્રિકેટ ટીમનું સન્માન કરશે. જેમાં આંતરરાષ્ટ્રીય ક્રિકેટ પરિષદ ભારતીય કેપ્ટન વિરાટ કોહલીને આઈસીસી ટેસ્ટ ચેમ્પિયનશિપની ગાદા સોંપશે. આઈસીસીની કટ ઑફ ડેટ 3 એપ્રિલ 2018 સુધી ભારતની ટેસ્ટ રેંકિંગને કોઈ પણ પ્રકારનું જોખમ નથી. access_time 2:02 pm IST