Gujarati News

(ભરત શાહ દ્વારા) રાજપીપળા :નર્મદા જિલ્લા કલેકટર ડી.એ.શાહના માર્ગદર્શન અને જિલ્લા વિકાસ અધિકારી પી.ડી.પલસાણાની રાહબરી હેઠળ બાળકો પોલીયોથી મુક્ત રહે તે માટે રાજ્યસરકાર અને જિલ્લા આરોગ્યતંત્ર ધ્વારા તા.૨૭ મી ફેબ્રુઆરી, ૨૦૨૨થી યોજાનારા ૦ થી ૫ વર્ષની વયના બાળકો માટે પલ્સ પોલીયો રસીકરણ અભિયાનનો પ્રારંભ થનાર છે. જેમાં ૩૮૧ પોલીયો બુથ દ્વારા જિલ્લામાં  અંદાજીત ૧.૨૩ લાખ ઘર, ૪૮,૭૪૨ જેટલા બાળકોને આ રસીકરણ હેઠળ આવરી લેવાશે. ૨૩  ટ્રાન્ઝીક્ટ પોઈન્ટ, ૩ મેળા/બજાર, ૬૮ જેટલી મોબાઇલ ટીમ, ૯૮ જેટલી ટીમ સુપરવાઇઝરો અને ૧,૭૩૪  જેટલા  આરોગ્ય કર્મીઓ આ અભિયાનમાં જોડાશે.