Gujarati News

Gujarati News

News of Tuesday, 24th November 2020

મોટા વરાછાથી બારડોલી પહોંચી ગયેલા બાળકને બારડોલી પોલીસે માતપિતા સાથે સુખદ મિલન કરાવ્યુ

બારડોલી તાલુકાનાં નાંદીડા ચાર રસ્તા નજીકથી બિનવારસી હાલતમાં મળી આવેલા 11વર્ષીય બાળકને બારડોલી પોલીસે મોટા વરાછા ખાતે રહેતા તેના પરિવાર સાથે સુખદ મિલન કરાવ્યુ હતું.

આ અંગે મળતી માહિતી અનુસાર ગત 22મી નવેમ્બરના રોજ બારડોલી તાલુકાનાં નાંદીડા ચાર રસ્તા વિસ્તારમાંથી નીકુલ ઈશ્વરભાઈ રાઠોડ (ઉ.વર્ષ 11) નામનો છોકરો બિનવારસી હાલતમાં મળી આવતા ગામના આગેવાનો બારડોલી પોલીસ સ્ટેશનમાં મૂકી ગયા હતા. છેલ્લા બે ત્રણ દિવસથી ઠંડીમાં તેની તબિયત નાદુરસ્ત થઈ ગઈ હતી. તેમજ ડાબા પગે ઇજા પણ પહોંચી હતી. પોલીસે બાળકની સારવાર કરાવ્યા બાદ તેની પૂછપરછ કરતાં તે સુરતના મોટા વરાછા વિસ્તારમાં રહેતો હોવાનું જણાવ્યુ હતું. અને ત્રણ દિવસ પહેલા તે ખોરાકની શોધમાં રહેણાક વિસ્તારથી દૂર નીકળી આવ્યો હતો. ઘરે પરત જવા માટે એક છકડામાં બેસી તે અજાણતામાં સુરતથી બારડોલી તરફ આવી ગયો હતો. બાળક માત્ર મોટા વરાછા વિસ્તારમાં રહેતો હોવાનું જણાવતો હતો. બાકી અન્ય કોઈ વિગત તેની પાસે હતી નહિ. આથી મોબાઇલમાં ફોટો લઈ પોલીસે તેના વાલીવારસને શોધવા પ્રયત્ન હાથ ધર્યા હતા. દરમ્યાન સોમવારના રોજ પોલીસે વાલીવારસને શોધી ચોક્કસ ઓળખ કરાવડાવી અને તેના માતા પિતાને વરાછા પોલીસ મથકમાં સ્ટાફની રૂબરૂમાં બાળકનો કબ્જો સોંપવામાં આવ્યો હતો.

(11:38 pm IST)
  • મનોજ સીસોદીયા ઉપર ભાજપ બરાબર તૂટી પડ્યુઃ દિલ્હીના ઉપમુખ્યમંત્રી 'આપ' પક્ષના મનીષ સીસોદીયા એક લગ્નમાં 'માસ્ક' પહેર્યા વિના ઉપસ્થિત રહેતા ભાજપે ટ્વીટમાં લખ્યુ છે કે 'ચલણ માત્ર જનતા ભરશે અને આપ તે પૈસાની જાહેરાત આપશો' access_time 3:48 pm IST

  • નામ છુપાવીને લગ્ન કરનારને 10 વર્ષની જેલસજા થશે :' લવ જેહાદ ' મામલે ઉત્તર પ્રદેશ કેબિનેટમાં કડક કાયદો પસાર : વિધર્મી સાથે લગ્ન કરતા પહેલા ડીસ્ટ્રીકટ મેજિસ્ટ્રેટની મંજૂરી લેવી પડશે : બે મહિના પહેલા નોટિસ આપવી ફરજીયાત : મંજૂરી વિના ધર્મ પરિવર્તન કરી લગ્ન કરવા બદલ 6 માસથી 3 વર્ષ સુધીની જેલસજા થઇ શકશે : ઉપરાંત 10 હજાર રૂપિયાનો દંડ થશે : છેલ્લા થોડા દિવસોમાં ફરજીયાત ધર્માન્તર ,લવ જેહાદ ,સહિતના 100 જેટલા કિસ્સા બનતા યોગી સરકાર આકરા પાણીએ access_time 7:59 pm IST

  • અમદાવાદમાં 45 નવા કન્ટેન્મેન્ટ ઝોન જાહેર : અમદાવાદ મ્યુનિસિપલ કોર્પોરેશને અમદાવાદ શહેરમાં 45 નવા માઇક્રો કન્ટેનમેન્ટ ઝોન જાહેર કર્યા. access_time 9:54 pm IST