Gujarati News

Gujarati News

News of Tuesday, 24th November 2020

...અને એ યુવતી ૩ માસુમ સંતાનોને તાપી નદીમા ફેકી પોતે પણ આપઘાત કરે તે અગાઉ છેલ્લી ઘડીએ ચમત્કાર સર્જાયો

મૂળ મોરબી પંથકના કોયલીના વતની અને સુરતમા પીઆઇ તરીકે ફરજ બજાવતા એ અધિકારીને કયા ખબર હતીકે કુદરત તેમને ૪ જિંદગી બચવવા નિમિત્ત્। બનાવવા માગે છે : અકિલા સાથેની વાતચીતમાં સુરતના પોલીસ ઇન્સ્પેકટર કુલદીપ ગઢવી કહે છે કે સંખ્યાબંધ સફળ કામગીરીના સંતોષ કરતા અનેકગણો સંતોષ જીવન સફળ થયાની અનુભૂતિ સાથે કુદરતના અસ્તિત્વનો અહેસાસ થયો

રાજકોટ તા. ૨૪ : પોલીસના લોકો સાથે ગેરવર્તન જેવા સમાચારોમાં હવે લોકોને નવી લાગતી નથી, પરંતુ આવી વાતોના ઢગલામાં કેટલાક માનવતાવાદી પોલીસ ઓફિસરો પણ છે જેની સત્ય કથા લોકો સુધી પહોંચે અને અન્યોને પ્રેરણા મળે તેવી છે.

મૂળ સૌરાષ્ટ્રના મોરબી પંથકના અને હાલ સુરતના જહાંગીરપુરા પોલીસ મથકમાં ફરજ બજાવતા પીઆઇ કુલદીપ ગઢવી ઘેરથી અઠવા લાયસન્સ નીકળ્યા બાદ ટ્રાફિક વધતા પહોંચવાની તૈયારીમાં હતા ત્યાં ઉપરી અધિકારીની તાકીદની બેઠકનો સંદેશ મળ્યો.ફરીથી ઊલટી દિશામાં જવુ પડશે તેવા વિચારથી થોડીવાર માટે મોઢા પર કંટલાના ભાવ આવ્યા. પરંતુ ઈશ્વર જે કંઈ કરે તે સારા માટે હોય તેવા વિચાર સાથે પરત ફરી રહ્યા હતા. ત્યારે મકાઈ પુલ પાસે એક ૨૮ વર્ષની યુવતીને લોકો સમજાવતા હતા પરંતુ ૩ સંતાનો સાથે એ યુવતી આત્મહત્યા કરવા મક્કમ હોવાનું સમજતા પીઆઇ કુલદીપ ગઢવીને વાર ન લાગી. તેઓ કુનેહથી તે યુવતી નજીક પહોંચી તેને વાતોમાં રાખી તેના ત્રણે બાળકોને સાઈડમાં એક તરફ કરતા શરૂઆતમાં એ ત્રણ સંતાનોની માતા દ્વારા વિરોધ કરવાનો પ્રયાસ કર્યો, પરંતુ આવા અનેક કિસ્સાઓમાં મદદરૂપ બનેલ કુલદીપ ગઢવી દ્વારા તે યુવતિને સમજાવી તેની સમસ્યાનો નિકાલ કરવા ખાત્રી આપી હતી. રેહના બાનું નામની યુવતી દ્વારા પતિ કંઈ કમાવવાના બદલે ત્રાસ આપવા સાથે ઘરમાં એક પૈસો આપતો ન હોવાની વ્યથા ચોધાર આશું વહેવડાવતા કરી. તેને શાંત કરી. રાંદેર પોલીસ મથકે મોકલી અને તેની સમસ્યા ઉકેલવા પ્રયાસ કર્યા.

સૌરાષ્ટ્રના કાર્યકાળ દરમ્યાન થાનમાં વધતી જતી ગુનાખોરી ધ્યાને લઈ તત્કાલીન રાજકોટ રેન્જ વડા પ્રવીણ સિંહાએ તેમની પસંદગી કરી અને તેમાં ફતેહ મેળવવા સાથે અનેક ગુન્હાઓ ભેદ ઉકેલનારને પોતાના થકી ચાર માનવ જિંદગી બચી તેનો મનોમન હર્ષ છે. તેમની આવી કામગીરી બદલ પોલીસ કમિશ્નર અજય કુમાર તોમર વિગેરે દ્વારા તારીફ કરવામાં આવેલ. હકારાત્મક વલણ ધરાવતા સુરત સીપીને કારણે પોલીસ તંત્રમાં પણ હકારાત્મક વલણના કિસ્સાઓનો પ્રમાણ વધતું જાય છે.

(3:34 pm IST)
  • નામ છુપાવીને લગ્ન કરનારને 10 વર્ષની જેલસજા થશે :' લવ જેહાદ ' મામલે ઉત્તર પ્રદેશ કેબિનેટમાં કડક કાયદો પસાર : વિધર્મી સાથે લગ્ન કરતા પહેલા ડીસ્ટ્રીકટ મેજિસ્ટ્રેટની મંજૂરી લેવી પડશે : બે મહિના પહેલા નોટિસ આપવી ફરજીયાત : મંજૂરી વિના ધર્મ પરિવર્તન કરી લગ્ન કરવા બદલ 6 માસથી 3 વર્ષ સુધીની જેલસજા થઇ શકશે : ઉપરાંત 10 હજાર રૂપિયાનો દંડ થશે : છેલ્લા થોડા દિવસોમાં ફરજીયાત ધર્માન્તર ,લવ જેહાદ ,સહિતના 100 જેટલા કિસ્સા બનતા યોગી સરકાર આકરા પાણીએ access_time 7:59 pm IST

  • પાક.નો બેટસમેન ફખર ઝમાન ન્યુઝીલેન્ડની ટૂરમાંથી આઉટ : લાહોર : પાકિસ્તાનના બેટસમેન ફખર ઝમાનને તાવ આવતા તે ન્યુઝીલેન્ડના પ્રવાસમાંથી બહાર થઇ ગયો છે. ન્યુઝીલેન્ડ અને પાકિસ્તાન વચ્ચે ૧૮ ડીસેમ્બરથી ત્રણ ટી-ર૦ અને બે ટેસ્ટ મેચોની સીરીઝ રમાનાર છે. access_time 2:35 pm IST

  • ઝડપી અને સસ્તા દરમાં કોરોના ટેસ્ટનો પ્રારંભ કરાવતા અમિતભાઈ ગૃહમંત્રી અમિતભાઈ શાહે નવી દિલ્હી ખાતે, ઇન્ડિયન મેડિકલ કાઉન્સિલ ઓફ ઈન્ડિયાના હેડકવાટર ઉપર માત્ર 499 રૂપિયામાં કોવિડ આરટી-પીસીઆર ટેસ્ટનો પ્રારંભ કરાવ્યો; 6 કલાકમાં કોવિડ ટેસ્ટનું પરિણામ: પ્રથમ તબક્કામાં, આવી 20 લેબ્સ ઉભી થવાની સંભાવના છે: દરેક લેબ એક દિવસમાં 1000 કોવિડ ટેસ્ટ કરવા માટે સક્ષમ છે access_time 8:41 am IST