Gujarati News

Gujarati News

News of Tuesday, 24th November 2020

શરીર સંબંધ બાંધવાની ના પાડનારી ૨૫ વર્ષની પત્નીને ૫૦ વર્ષનો પતિ ગુપ્ત ભાગે સળિયો મારતો

માતા-પિતાએ નાણાં લઇને ૨૬ વર્ષની પુત્રીનો આધેડ સાથે સોદો કર્યોઃ લગ્નના ૧૬માં દિવસે જ પત્ની ભાગી

અમદાવાદ,તા.૨૪ : મૂળ લખનૌની ગ્રેજયુએટ થયેલી ૨૬ વર્ષીય હિનાના લગ્ન તેમની મરજી વિરુધ્ધ અમદાવાદમાં રહેતા ૫૦ વર્ષીય આધેડ જતીન સાથે કરાવાયા હતા. પરંતુ તેનો પતિ તેમની સાથે રોજ શરીર સંબંધ માટે તેને મજબૂર કરતો હતો. હીના ના પાડે તો પતિ સળિયાથી હીનાના ગુપ્તભાગમાં મારતો હોવાનો ચોંકાવનારો કિસ્સો બહાર આવ્યો છે.

 લગ્ન થયાના ૧૬ દિવસ બાદ હિનાએ ઘરેથી ભાગી જઇને મહિલા હેલ્પલાઇનની મદદ માંગી હતી. જયારે કાઉન્સિલર અંજના બહેન તેની મદદે પહોંચ્યા હતા. યુવતીએ તેમણે જણાવ્યુ કે, છોકરીઓની સંખ્યા ઓછી હોવાથી જતીનને લગ્ન માટે યુવતી મળતી નહોતી. જેથી જતીનને કોઈના દ્વારા મારા માતા પિતાનો સંપર્ક કર્યો હતો. અમારી િઆથિક સ્થિતિ સારી ન હોવાથી મારા માતા પિતાએ જતીન પાસેથી અંદાજે દોઢથી બે લાખ રૂપિયા લઈ મને વેચી દીધી હતી. પરિવારે પૈસાની લાલચમાં મારી મરજી વિરુદ્ઘ જતીન સાથે લગ્ન કરાવ્યા હતા.

 હિનાએ જણાવ્યુ કે, હજુ લગ્નને ૧૬ દિવસ થયા છે. જતીન રોજ તેની સાથે શારીરિક સંબંધ બાંધવા માટે જબરજસ્તી કરતો હતો. હિના ના પાડે તો તને પ્રાઈવેટ પાર્ટ્સમાં સળીયા વડે મારતો હતો. પરંતુ હિના આવી વાત કોઈને  જણાવી શકતી નહોતી.

 બીજી બાજુ  પોતાની મારઝૂડની વાત હીના કોઈને કરી ન દે તેવા ડરથી જતીન તેને કેદ કરીને રાખતો હતો. રવિવારે મોકો જોઈ હિના ઘરેથી ભાગી જઇને ૧૮૧ મહિલા હેલ્પલાઇનને જાણ કરી હતી. હિનાને ડર હતો કે તે માતા પિતા પાસે પાછી જશે તો તે પાછા તેને અહીં મોકલી દેશે અથવા બીજા કોઈને વેચી દેશે. તેથી તેણે પિયર જવાની ના પાડીને સુરક્ષા ગૃહમાં મોકલાઈ છે.

(11:48 am IST)
  • રાજસ્થાનમાં વધુ ૧૯ મોત: નવા 3314 કેસ : રાજસ્થાનમાં વધુ 19 મોત સાથે કોવિદનો મૃત્યુઆંક વધીને 2200 ઉપર પહોંચ્યો છે. નવા 3,314 કોરોનાના કેસો નોંધાતા કુલ કોરોના કેસોનો આંક 2,50,482 પર પહોંચ્યો છે. access_time 9:54 pm IST

  • નામ છુપાવીને લગ્ન કરનારને 10 વર્ષની જેલસજા થશે :' લવ જેહાદ ' મામલે ઉત્તર પ્રદેશ કેબિનેટમાં કડક કાયદો પસાર : વિધર્મી સાથે લગ્ન કરતા પહેલા ડીસ્ટ્રીકટ મેજિસ્ટ્રેટની મંજૂરી લેવી પડશે : બે મહિના પહેલા નોટિસ આપવી ફરજીયાત : મંજૂરી વિના ધર્મ પરિવર્તન કરી લગ્ન કરવા બદલ 6 માસથી 3 વર્ષ સુધીની જેલસજા થઇ શકશે : ઉપરાંત 10 હજાર રૂપિયાનો દંડ થશે : છેલ્લા થોડા દિવસોમાં ફરજીયાત ધર્માન્તર ,લવ જેહાદ ,સહિતના 100 જેટલા કિસ્સા બનતા યોગી સરકાર આકરા પાણીએ access_time 7:59 pm IST

  • અમદાવાદના રાત્રી કર્ફ્યુને લઇ આવ્યા મોટા સમાચાર : કોરોના સંક્રમણ ને લીધે અમદાવાદમાં 7મી ડિસેમ્બર સુધી રાત્રી કર્ફ્યુ જાહેર : અમદાવાદ પોલીસના જાહેરનામામાં તારીખનો ઉલ્લેખ : પોલીસ કમિશનરે જારી કર્યું છે જાહેરનામું access_time 6:39 pm IST