Gujarati News

Gujarati News

News of Tuesday, 24th November 2020

નાંદોદના ગોપાલપુરા ગામના ખેડૂતના ખેતરમાં ચમત્કારિક કેળાની લૂમ જોવા મળતા લોકોમાં ભારે કુતુહલ

(ભરત શાહ દ્વારા) રાજપીપળા :નર્મદાના નાંદોદ તાલુકાના ગોપાલપુરા ગામના એક ખેડૂત નરેન્દ્રસિંહ હિમંતસિંહ ગોહિલના ખેતરમાં એક કેળના છોડમાં બે લૂમ નિકળતા તેને જોવા લોકોમાં ભારે કુતુહલ જાગ્યું હતું.સ્થાનિક ખેડૂતોના મતે આવો કિસ્સો ભાગ્યેજ જોવા મળતો હોય છે કેમકે આમ જોવા જઈએ તો એક છોડમાં એકજ લૂમ આવતો હોય છે પરંતુ હાલ આ કિસ્સામાં કુદરતી બે લૂમ જોવા મળતા એક ચમત્કાર ગણી શકાય, માટે જો આવા ચમત્કારિક છોડનું સંશોધન કરવામાં આવે તો કેળની ખેતીમાં એક નવી ક્રાંતિ આવી શકે તેમ છે.અને જો આમ છોડ ઉપર બે લૂમ થશે તો ખેડૂતનું ઉત્પાદન વધશે અને આવક પણ બમણી થશે.જેમાં ખાસ જોઈએ તો ઓછી જમીન ધરાવતા ખેડૂતો માટે આ બાબત ઘણી ફાયદાકારક સાબિત થઈ શકે તેમ હોય માટે આ બાબતે જો લાગતા વળગતા ખાતા દ્વારા સંશોધન કરવામાં આવે તો એ ધરતીપુત્રો માટે જરૂર ફાયદાકારક સાબિત રહેશે.

(12:33 am IST)
  • પુતિન હજુ પણ બાયડનને અભિનંદન આપતા નથી : રશિયાના રાષ્ટ્રપતિ પુતિનને જયારે જો બિડેનને અભિનંદન આપી રહેલા વિશ્વ નેતાઓ વિશે પૂછવામાં આવ્યું, તો તેમણે : કહ્યું કે, "આ તેઓએ જોવાનું છે." પુટીને સત્તાવાર જાહેરાત ન થાય ત્યાં સુધી બાયડનને પ્રમુખ તરીકે અભિનંદન આપવાનો ઇન્કાર કર્યો છે. access_time 9:52 pm IST

  • અમદાવાદમાં નવી કોવીદ હોસ્પિટલો શરૂ : અમદાવાદમાં છ નવી કોવિડ હોસ્પિટલો શરૂ કરવામાં આવી છે જે પૈકી ત્રણ હોસ્પિટલોમાં વધારાની બેડ ખાલી હોવાનું અમદાવાદ કોર્પોરેશને જણાવ્યું છે. access_time 9:53 pm IST

  • ઝડપી અને સસ્તા દરમાં કોરોના ટેસ્ટનો પ્રારંભ કરાવતા અમિતભાઈ ગૃહમંત્રી અમિતભાઈ શાહે નવી દિલ્હી ખાતે, ઇન્ડિયન મેડિકલ કાઉન્સિલ ઓફ ઈન્ડિયાના હેડકવાટર ઉપર માત્ર 499 રૂપિયામાં કોવિડ આરટી-પીસીઆર ટેસ્ટનો પ્રારંભ કરાવ્યો; 6 કલાકમાં કોવિડ ટેસ્ટનું પરિણામ: પ્રથમ તબક્કામાં, આવી 20 લેબ્સ ઉભી થવાની સંભાવના છે: દરેક લેબ એક દિવસમાં 1000 કોવિડ ટેસ્ટ કરવા માટે સક્ષમ છે access_time 8:41 am IST