Gujarati News

Gujarati News

News of Monday, 23rd November 2020

રાજપીપળા,કેવડીયામાં કોરોનાનો રાફડો ફાટ્યો:આજે રાજપીપળામાં 9 કેસ જ્યારે કેવડીયામાં 7 કેસ નોંધાયા

(ભરત શાહ દ્વારા) રાજપીપળા : નર્મદા જિલ્લામાં છેલ્લા ચાર દિવસ થી કોરોનાના કેસ સતત વધી રહ્યા છે જેમાં સોમવારે જીલ્લા માં કુલ 23 કોરોના પોજેટિવ દર્દી જોવા મળ્યા જેમાં જિલ્લાના વડા મથક રાજપીપળા શહેરમાં એક સાથે 9 કેસ જોવા મળ્યા જ્યારે ગરુડેશ્વરના કેવડીયા કોલોની ખાતે 7 કેસ જોવા મળ્યા હતા. આમતો આરોગ્ય વિભાગ સતત કામે લાગ્યું છે, દરરોજ કોરોના ટેસ્ટની સંખ્યા પણ વધારી હોવા છતાં કોરોનાનો ઊંચો જતો ગ્રાફ ક્યાં જઈ અટકશે એ કહેવું મુશ્કેલ છે.ત્યારે લોકો પણ ભીડભાડ વાળી જગ્યાઓ પર જવાનું ટાળતા નથી તેમજ માસ્ક, સોસીયલ  ડિસ્ટન્સનું પાલન ન કરતા હોવાના કારણે અન્ય મોટા શહેરો ની માફક આ નાનકડા નર્મદા જિલ્લામાં પણ કોરોના નો હાલ રાફડો ફાટ્યો હોય તેમ જોવા મળી રહ્યું છે.માટે સાવચેતી અને સલામતી બંને તરફ આપણે જ ધ્યાન આપવું પડશે.

(12:29 am IST)
  • દેશમાં કોરોનાના નવા કેસ કરતા સ્વસ્થ થનારની સંખ્યામાં વધારો :એક્ટિવ કેસમાં સતત ઘટાડો :રાત્રે 11 વાગ્યા સુધીમાં કોરોનાના નવા 34,564 કેસ નોંધાયા:કુલ કેસનો આંકડો 91,75,876 થયો :એક્ટીવ કેસ ઘટીને 4,37,778 થયા:વધુ 39,364 દર્દીઓ સ્વસ્થ થતા કુલ 86,00,808 રિકવર થયા :વધુ 440 લોકોના મોત સાથે કુલ મૃત્યુઆંક 1,34,213 થયો access_time 12:36 am IST

  • માસ્ક નહિ પહેરો તો આવશે ઘરે ઈ મેમો: સુરત મહાનગર પાલિકા હવે સીસીટીવી કેમેરાના આધારે વાહન ચાલકો પર નજર રાખશે. બાઇક ચાલક કે પાછળ બેઠેલા વ્યક્તિ એ માસ્ક નહિ પહેર્યું હોય તો ઘરે 1000 નો મેમો આવશે access_time 12:31 am IST

  • મનોજ સીસોદીયા ઉપર ભાજપ બરાબર તૂટી પડ્યુઃ દિલ્હીના ઉપમુખ્યમંત્રી 'આપ' પક્ષના મનીષ સીસોદીયા એક લગ્નમાં 'માસ્ક' પહેર્યા વિના ઉપસ્થિત રહેતા ભાજપે ટ્વીટમાં લખ્યુ છે કે 'ચલણ માત્ર જનતા ભરશે અને આપ તે પૈસાની જાહેરાત આપશો' access_time 3:48 pm IST