Gujarati News

Gujarati News

News of Sunday, 24th January 2021

ભાભરમાં અસામાજિક તત્વોનો આતંક:ધરપકડની માંગણી સાથે ધારાસભ્ય ગેનીબેન ઠાકોરના ધરણાં

અસામાજિક તત્વોની ધરપકડ નહિ કરવામાં આવે ત્યાં સુધી ધરણા ચાલુ રાખશે: ગેનીબેનની ચીમકી

બનાસકાંઠાના ભાભર તાલુકામાં અસામાજિક તત્વોના ત્રાસ સામે વાવના કોંગ્રેસ ધારાસભ્ય ગેનીબેન ઠાકોર પોલીસ સ્ટેશન સામે ધરણા પર ઉતર્યા છે. ભાભર તાલુકામાં અસામાજિક તત્વોએ રત્નકલાકાર પર હુમલો કર્યો હતો. હુમલો કરનારા આ અસામાજિક તત્વો પર કડક કાર્યવાહી કરી તેમની ધરપકડ કરવામાં આવે તેવી માંગ સાથે કોંગ્રેસ ધારાસભ્ય ગેનીબેન ઠાકોર ધરણા પર ઉતર્યા છે. ગેનીબેનની સાથે 100થી વધુ લોકો ધરણામાં જોડાયા છે.

 ભાભરમાં કેટલાક અસામાજિક તત્વોએ ઠાકોર સમાજના યુવકો પર હુમલો કરતા કોંગ્રેસના ધારાસભ્ય ગેનીબહેન ઠાકોરે કહ્યું કે ભાભરમાં કાયદો અને વ્યવસ્થાને જાળવવામાં ભાભર પોલીસ નિષ્ફળ ગઈ છે. બેફામ બનેલા અસામાજિક તત્વો સામે કડક કાર્યવાહી કરવામાં આવે. જ્યાં સુધી અસામાજિક તત્વોની ધરપકડ નહિ કરવામાં આવે ત્યાં સુધી ધરણા ચાલુ રાખશે

(9:49 pm IST)
  • થાકેલા-હારેલા પાકિસ્તાને રશિયાની કોરોના વેકસીનને મંજૂરી આપી દીધી: પાકિસ્તાને રશિયાની સ્પૂટનીક ફાઈવ વેકસીનને ઈમરજન્સી ઉપયોગ માટે મંજૂરી આપી દીધી છે. access_time 4:42 pm IST

  • અમેરિકન બ્રોડકાસ્ટિંગ લિજેન્ડ લેરી કિંગનું લોસ એન્જલસમાં સીડર-સિનાઈ મેડિકલ સેન્ટરમાં નિધન થયું છે. અહેવાલ મુજબ તેઓને COVID19 પોઝિટિવ આવતા હોસ્પિટલમાં દાખલ કરાયા હતા. તેઓ 87 વર્ષના હતા. access_time 7:03 pm IST

  • દેશમાં કોરોના થાક્યો:નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો : રાત્રે 11 વાગ્યા સુધીમાં કોરોનાના નવા 12,914 કેસ નોંધાયા :કુલ કેસની સંખ્યા 1,06,68,356 થઇ :એક્ટિવ કેસ 1,81,673 થયા: વધુ 13,162 દર્દીઓ સ્વસ્થ થતા કુલ 1,03, 28,738 થયા :વધુ 126 લોકોના મોત સાથે કુલ મૃત્યુઆંક 1,53,503 થયા access_time 11:57 pm IST