Gujarati News

Gujarati News

News of Sunday, 22nd November 2020

અમદાવાદમાં કરફ્યુના માહોલ વચ્ચે વિવિધ પરીક્ષાઓ પ્રારંભ: પરીક્ષાર્થી ઉમેદવારોને છૂટ આપવામાં આવી

અમદાવાદ: શહેરમાં કોરોનાનું સંક્રમણ ફેલાતુ અટકાવવાના ભાગરૂપે 57 કલાકનો કરફ્યુ લગાવવામાં આવ્યો છે. જો કે આ કરફ્યુ  દરમિયાન પરીક્ષાઓ રદ્દ કરવામાં નથી આવી અને પરીક્ષાર્થી ઉમેદવારોને છૂટ આપવામાં આવી છે, ત્યારે આજે કરફ્યૂના બીજા દિવસે શહેરમાં અલગ-અલગ પરીક્ષાઓ યોજાઈ રહી છે.

અમદાવાદમાં સ્ટાફ સિલેક્શન કમિશન  દ્વારા કમ્બાઈન્ડ ગ્રેજ્યુએટ લેવલ (ટીઅર-3)ની પરીક્ષાનું આયોજન કરવામાં આવ્યું છે. જેમાં શહેરના 4 સેન્ટરો પર 1097 વિદ્યાર્થીઓ પરીક્ષા આપવાના છે. આ પરીક્ષા 10 વાગ્યે શરૂ થઈ ગઈ છે, જેનો સમય 1 કલાકનો રહશે. આ એક્ઝામમાં પાસ થનાર ઉમેદવાર વિદ્યાર્થીએ ટીઅર-4ની એક્ઝામ આપવાની રહેશે.

આ સિવાય ઈન્સ્ટિટ્યૂટ ઑફ ચાર્ટડ એકાઉન્ટ્સ ઑફ ઈન્ડિયા દ્વારા પણ આજે પરીક્ષા યોજાઈ રહી છે. જેમાં CAની તૈયારી કરી રહેલા તમામ ઉમેદવારોને 21 અને 22 નવેમ્બરે પરીક્ષામાં જવાની છૂટ આપવામાં આવી છે. CAની ઈન્ટરમીડિયેટ એક્ઝામ આજથી શરૂ થશે.

જણાવી દઈએ કે, અગાઉ કોરોના મહામારીના પગલે ચાર્ટડ એકાઉન્ટન્ટની પરીક્ષાઓ મુલતવી રાખવામાં આવી હતી. જો કે હવે CA ફાઈનલની પરીક્ષાઓ આજથી શરૂ થઈ રહી છે. જેમાં અંદાજે 2500 થી 3000 વિદ્યાર્થીઓ પરીક્ષા આપશે.

(11:26 am IST)
  • અરવલ્લી જિલ્લાનું ધનસુરા 48 કલાકમાં 30થી વધુ કેસ આવતા 23 નવેમ્બર સુધી જનતા કરફયુ : આજથી સજ્જડ બંધ રહેશે access_time 11:20 pm IST

  • પેટ્રોલમાં ૮ પૈસા અને ડીઝલનાં ભાવમાં પ્રતિ લિટરે ૨૧ પૈસાનો વઘારો : પેટ્રોલિયમ પેદાશોના ભાવમાં ત્રીજા દિવસે પણ વધારો : પેટ્રોલ- ડીઝલના ભાવમાં આજે ત્રીજા દિવસે પણ વધારો થયો છે. : પેટ્રોલમાં ૮ પૈસા અને ડીઝલનાં ભાવમાં પ્રતિ લિટરે ૨૧ પૈસાનો વઘારો થયો છે. : આ ભાવ વધારો આજે સવારે છ વાગ્યા થી લાગુ થયો છે. access_time 10:35 am IST

  • દિલ્હીમાં આરટી-પીસીઆર ટેસ્ટની સંખ્યા મોટી માત્રામાં વધારી દેવાઈ : પ્રથમ વખત, દિલ્હીમાં કોરોનાના પરીક્ષણ માટેના આધારભૂત ગણાતા "આરટી-પીસીઆર" ટેસ્ટની સંખ્યા રેપીડ એન્ટિજેન ટેસ્ટની સંખ્યાને વટાવી ગઈ છે. access_time 1:32 pm IST