Gujarati News

Gujarati News

News of Sunday, 22nd November 2020

રાજપીપળા પાલિકા પૂર્વ પ્રમુખ અલકેશસિંહ ગોહિલના દુઃખદ અવસાનને પગલે રજપૂત ફળિયામાં દિવાળી ન ઉજવી શોક પાળ્યો.

કોઈએ ઘર બહાર દિવા ન સળગાવ્યો કે કોઈએ રોશનીનો ઝગમગાટ પણ ન કરી તેમની ચીર વિદાયને શ્રદ્ધાંજલિ આપી.

(ભરત શાહ દ્વારા)રાજપીપળા : રાજપીપળા નગર પાલિકાના ત્રણ ટર્મથી પ્રમુખ રહી ચૂકેલા અને અંતમાં કારોબારી અધ્યક્ષ તરીકે રહેલા અલકેશસિંહ ગોહિલનું માત્ર 53 વર્ષની ઉંમરે અવસાન થયું હોય તેમની આમ આકસ્મિક ચીર વિદાઈથી રાજપૂત સમાજમાં ઘેરા શોકની લાગણી ફેલાઇ ગઇ અને આખો સમાજ શોકાતુર બન્યો છે રાજપૂત સમાજના અગ્રણી અને ભાજપના નેતા તરીકે તેમની એક આગવી ઓળખ હતી, રાજપીપળા શહેરમાં વિકાસ લક્ષી કામગીરીને લઈને આજે તેમની વિદાઈથી શહેરમાં શોકની લાગણી આજે પણ લોકોમાં જોવા મળી રહ્યો છે

 રાજપીપળા ના રજપૂત ફળીયા વિસ્તારમાં દિવાળી પહેલા તેમની અણધારી વિદાઈને લઈને દિવાળી નહીં ઉજવવાનું નક્કી કર્યું, આ દિવાળીમાં કોઈએ દિવા ન સળગાવ્યા કે ના કોઈએ ઘરો પર રોશની કરી સાથે સાથે કોઈએ ફટાકડા પણ ના ફોડયા કે ના મીઠાઈ મંગાવી તેમને શ્રદ્ધાંજલિ આપી સ્વ.અલકેશ સિંહ ગોહિલ ને સાચા હૃદયથી શ્રદ્ધાંજલિ આપી હતી.

(11:49 pm IST)
  • ગોંડલથી જેતપુર જતા રસ્તા ઉપર સાંઢિયા પુલ પાસે સાઇડમાંથી વાહનો જાય છે ત્યાં ફાટક ઉપર ટ્રેન સાથે મોટર અથડાતા એક મૃત્યુ પામ્યાનું જાણવા મળે છે. વિગતો મેળવાઈ રહ્યાનું ગોંડલથી ભાવેશ ભોજાણી જણાવે છે access_time 12:50 pm IST

  • રાજસ્થાનમાં માસ્ક નહીં પહેરો તો હવે ૫૦૦નો દંડ : 9 જિલ્લામાં કફર્યુ : કોરોના કેસોનો રાફડો ફાટતા રાજસ્થાન કેબિનેટે 8 જિલ્લામાં નાઇટ કર્ફ્યુ લાદવાનો નિર્ણય કર્યો છે અને ફેસ માસ્ક ન પહેરવા પર દંડની રકમ 200 રૂપિયાથી વધારીને 500 કરી દીધી છે. રાજસ્થાનમાં પણ અચાનક કોરોના હાહાકાર વર્તાવી રહેલ છે. access_time 3:23 pm IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં એકધારો વધારો :એક્ટિવ કેસમાં સતત ઘટાડો :રાત્રે 12 વાગ્યા સુધીમાં કોરોનાના નવા 45,877 કેસ નોંધાયા :કુલ કેસનો આંકડો 90,50,212 થયો :એક્ટીવ કેસ ઘટીને 4,39,839 થયા:વધુ 48,560 દર્દીઓ સ્વસ્થ થતા કુલ 84,75,576 રિકવર થયા :વધુ 559 લોકોના મોત સાથે કુલ મૃત્યુઆંક 1,32,761 થયો access_time 1:06 am IST