Gujarati News

કઠલાલ:કઠલાલ-અમદાવાદ હાઈવે ઉપર ગત સાંજે ટેમ્પો ટ્રક પાછળ અથડાતા એક ઈસમને ઈજા થઈ હતી. 

પોલીસ સૂત્રોમાંથી મળેલ વિગત મુજબ લાડવેલ લ-મણપુરામાં રહેતા નગીનભાઈ કનુભાઈ ચાવડા ગત તા.૧૭-૨-૧૮ની સાંજે ટેમ્પી નં. જીજે-૦૭ એક્સ ૦૧૧૯ માં બેસી જઈ રહ્યા હતા. ત્યારે ટેમ્પીના ચાલકે કઠલાલ નજીક આગળ જતી ટ્રકનં. જીજે-૦૧ બીવાય-૬૧૯૮ પાછળના ભાગે ખાલી સાઈડે અથડાવી હતી. જેથી ટેમ્પીમાં બેઠેલા નગીનભાઈ ચાવડાને ડાબા પગના નળાના ભાગે ફેક્ચર થયું હતું. 

આ બનાવ અંગે કનુભાઈ ગમીરભાઈ ચાવડાએ ફરિયાદ નોંધાવતા કઠલાલ પોલીસે ટેમ્પા ચાલક સામે ગુનો નોંધી કાયદેસર કાર્યવાહી હાથ ધરી છે.